Es-tússiz kúıde epılepsıalyq ustama bolǵan
Almaty taýlarynda eki týrıs qutqaryldy. Bul týraly TJM baspasóz qyzmeti málimdedi, dep habarlaıdy Almaty-akshamy.kz.
Vedomstvo málimetinshe, keshe Respýblıkalyq jedel qutqarý jasaǵynyń qutqarýshylary İle Alataýy taýlarynyń shatqaldaryndaǵy taýly ózender boıymen reıdter júrgizgen.
«Reıd kezinde saǵat 17.27-de qutqarýshylarǵa kómek surap moped mingen týrıs keldi. Onyń dosy otbasymen demalyp otyrǵan jerinde, kenetten aýyryp qalypty. Qutqarýshylar atalǵan orynǵa jedel jetip, er adam jerde es-tússiz kúıde epılepsıalyq ustama bolyp jatqanyn kórgen. Qutqarýshy - medık Evgenıı Mustafın jedel túrde alǵashqy medısınalyq kómek kórsetýge kiristi. Qutqarýshylar 38 jastaǵy er adamdy ózine-ózi kelgennen keıin, RJQJ jedel kóligine otyrǵyzyp, qalaǵa deıin alyp baryp, jedel járdem brıgadasyna tapsyrdy. Jedel járdem kóligi taýǵa kóterile almady», - delingen habarlamada.
Ekinshi qutqarý oqıǵasy Kishi Almaty ózeniniń shatqalyna jasalǵan reıd kezinde bolǵan.
Saǵat 18.30-da qutqarýshylarǵa týrıstiń jaraqat alýynyń kýágeri bolǵan adam júgingen. Zardap shekken adamnyń aıtýynsha, ol aıaǵynyń saýsaǵyn syndyryp alǵandyqtan, ózdiginen júre almaǵan. TJM qyzmetkerleri oǵan alǵashqy medısınalyq kómek kórsetip, zaqymdalǵan aıaq bóligin bekitip, tańǵyshpen tańdy.
Sodan keıin álpınısik arqandardyń kómegimen áıeldi "Lesnıchestvo" jartasynan, taýdyń etegine aparyp týystaryna tapsyrdy. Olar jedel járdem shaqyrýdan bas tartyp, aýrýhanaǵa ózderi barýǵa sheshim qabyldady.