26 qarasha kúni saǵat 02.45-ten bastap Almaty qalasynda qarǵa ulasqan jańbyr, taýly jáne taý bókterindegi jerlerde tańǵy saǵat 05.00-den bastap jaýa bastady.
Saǵat 06.40 qalanyń ortalyq bóligine qar tústi. Tańǵy saǵat 08.00-degi jaǵdaı boıynsha taý bókterindegi aýdandarda 6 sm – ge deıin, taýly aýdandarda 10 sm-ge deıin qar jaýdy, dep habarlaıdy Almaty-akshamy.kz
Almaty qalasynyń Turǵyn úı saıasaty basqarmasynyń málimetinshe, kóktaıǵaq qubylystarynyń aldyn alý maqsatynda qalanyń joǵarǵy bóliginde qar jaýa salysymen joldarǵa kóktaıǵaqqa qarsy materıaldar sebiledi jáne qar sypyrylady. 120 tonna kóktaıǵaqqa qarsy materıaldar paıdalanyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, «qaltalardy» tazalaý boıynsha jumystar uıymdastyryldy.
Tehnıkanyń túngi ýaqytta shyǵýy 496 birlikti qurady, onyń ishinde 193 qumshashqysh jáne 337 jol jumysshysy.
Tańerteń 583 birlik arnaıy tehnıka, onyń ishinde 202 qum shashqysh jáne 1504 Jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha aralas jaýyn-shashyn 27 qarasha kúni tańerteńge deıin jaýady.