Urynyń ekeýi de buryn osyǵan uqsas qylmys jasaǵany úshin sotty bolǵan.
Almaty polısıasy qalta urlyǵynyń bes jaıtyna qatysy bar ekeýdi ustady, dep habarlaıdy Almaty-akshamy.kz Polisia.kz-ke silteme jasap.
Shyǵys Qazaqstan oblysynyń 33 jastaǵy turǵyny men onyń ekibastuzdyq 35 jastaǵy sybaılasy bes smartfon urlady degen kúdikke ilindi.
«Bir aıdyń ishinde urylar bes urlyq jasaǵan. Olar negizinen qoǵamdyq kólikterde jáne aıaldamalarda júrgen. Sońǵy urlyq qalanyń Bostandyq aýdanynda, qoǵamdyq kóliktiń salonynda tirkeldi. Qaskóı jolaýshynyń IPhone 11 telefonyn urlap ketken. Jedel-izdestirý is-sharalarynyń nátıjesinde, kúdiktiler ustaldy. Bótenniń múlkin urlaý derekteri boıynsha qylmystyq ister tergelýde. Qazirgi ýaqytta kúdiktiler qalada oryn alǵan basqa da qalta urlyǵyna qatysy bar-joǵyna tekserilýde», – dedi Almaty qalalyq Polısıa departamenti bastyǵynyń orynbasary Berik Ábilbekov.
Urylardyń ekeýi de buryn osyǵan uqsas qylmys jasaǵany úshin sotty bolǵan.