Almaty polısıasy mektepterdegi qaýipsizdik týraly aıtty, – dep habarlaıdy almaty-akshamy.kz Polisia.kz. silteme jasap.
Buǵan deıin QR İİM bastyǵy Erlan Turǵymbaev bilim berý uıymdaryndaǵy oqýshylardyń qaýipsizdigin qamtamasyz etý jónindegi jedel keńeste İİM men aýmaqtyq Polısıa departamentteriniń basshylaryna, barlyq bilim berý uıymdaryn beınebaqylaý júıeleri, qyzmetkerler men kelýshilerdi eskertý quraldary, dabyl túımeleri, urlyq dabyldary men fızıkalyq qaýipsizdik boıynsha tekserýdi tapsyrdy.
– Nusqaý aıasynda Bilim basqarmasymen birge qaladaǵy barlyq mektepterdi tekserý úshin dereý komısıa quryldy. Qazirgi ýaqytta Almatyda barlyq oqý oryndary 100% beınebaqylaý júıesimen jabdyqtalǵan, ol bes myńǵa jýyq kamerany qamtıdy, 187 mektep PD Jedel basqarý ortalyǵynyń basqarý púltine qosylǵan. Sonymen qatar bilim berý mekemelerine júrgizilgen saýalnama qalanyń barlyq mektepterinde dabyl túımeleri ornatylǵanyn jáne jumys isteıtinin, kúzet agenttigine dabyldyń baratynyn kórsetedi. Sondaı-aq bilim berý mekemeleri dabylmen jabdyqtalǵan, olarda daýys kúsheıtkish baılanys júıesi de bar, bilim berý mekemeleriniń ákimshilik ǵımarattaryna kirýdi baqylaý men basqarýǵa arnalǵan qondyrǵy ornatylǵan, – dedi Almaty qalalyq Polısıa departamentiniń bastyǵy Qanat Taımerdenov.