Koronavırýs álemdik taqyrypqa aınalǵaly qashan, indetpen kúres kúsheıgen saıyn, aýrý da údep barady. Qarapaıym saqtyq sharalaryn saqtamaý men jaýapkershiliktiń joqtyǵynan da zardap shegip otyrǵanymyz jasyryn emes.
Qazaqstannyń da epıdahýaly máz emes, búgingi málimet boıynsha, elimizdiń bir óńiri ǵana «jasyl» aımaqta ornalasqan, 120 488 adam koronavırýs ınfeksıasynan emdelip jatyr, dep habarlaıdy Almaty-akshamy.kz tilshisi.
COVID-19 taralýyna jol bermeý jónindegi VAK telegram kanalynyń materıaldaryna súıene otyryp, dúnıe júzindegi kovıdtik jaǵdaıǵa sholý jasaıyq.
Tokıodaǵy Paralımpıada kórermendersiz ótedi. NHK telearnasynyń málimetinshe, Paralımpıada is-sharalaryna barlyǵy 770 myńǵa jýyq bılet satylǵan eken. Uıymdastyrýshylar qabyldaǵan sheshimge sáıkes, bılet satyp alǵandarǵa jumsalǵan qarajat keri qaıtarylady. Oıyndar 24 tamyz ben 5 qyrkúıek aralyǵynda ótedi.
Moldovada COVID-19 qaıta órshýine baılanysty karantındik sharalar kúsheıtildi. Olar barlyq jabyq qoǵamdyq oryndarda, sonyń ishinde qoǵamdyq kólikterde mindetti túrde maska kıýdi qaıta engizdi. Sondaı-aq, adamdar arasynda kem degende 1 metr áleýmettik qashyqtyqty saqtaý mindetti bolyp tabylady.
Shrı-Lanka Densaýlyq saqtaý mınıstri COVID-19-ben kúresýde sıqyrshylardyń kómegine júgingeni úshin qyzmetinen bosatyldy. Alaıda Pavıtra Vanarachchı úkimet quramynda qalady jáne kólik mınıstrligin basqarady. Densaýlyq saqtaý mınıstri qyzmeti burynǵy buqaralyq aqparat mınıstri Kehelıa Rambýkvellaǵa berildi.