Ol buryn da sottalǵan.
Almatydaǵy jappaı tártipsizdik kezinde urlanǵan myltyq 27 jastaǵy Jambyl oblysynyń turǵynynan tárkilendi, dep habarlaıdy Almaty-akshamy.kz Polisia.kz-ke silteme jasap.
Qaraqshyny qalanyń krımınaldyq polısıa qyzmetkerleri ustady.
«Ustaý is-sharasy Áýezov aýdanynyń aýmaǵynda boldy. Qańtardaǵy jappaı tártipsizdikter kezinde ańshylyq dúkennen urlyq jasady degen kúdikpen 27 jastaǵy K. esimdi azamat ustaldy. Qylmyskerdiń oljasy 12 kalıbrli SIBERGUN tegis uńǵyly myltyq boldy. Zattaı aıǵaqtar tárkilendi jáne sotqa deıingi tergeýdiń biryńǵaı tizilimine QR QK-niń 291-baby 2-bóligi boıynsha tirkelgen qylmystyq is materıaldaryna biriktirildi», – deıdi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Belgili bolǵandaı, ustalǵan azamat buryn da tonaý qylmysy úshin sottalǵan. Qazirgi ýaqytta kúdiktiniń osyǵan uqsas qylmystarǵa qatysy bar-joǵy tekserilýde.