Bıyl taǵylymdama baǵdarlamasyna 110 stıpendıa bólindi.
Ótinimder 14 qazanǵa deıin Egov.kz memlekettik qyzmetter portalynda qabyldanady, dep habarlaıdy Almaty-akshamy.kz
2022 jylǵy 5 qyrkúıekte Qazaqstanda «Bolashaq» baǵdarlamasy boıynsha jetekshi JOO-lar men uıymdarda sheteldik taǵylymdamadan ótýge qujattar qabyldaý bastalady.
Bıyl taǵylymdama baǵdarlamasyna 110 stıpendıa bólindi.
2022 jyly taǵylymdamadan ótýge qyzmetkerlerdiń kelesi sanattary bekitilgen: ınjenerlik-tehnıkalyq qyzmetkerler, medısınalyq qyzmetkerler, mádenıet, týrızm jáne sport salasynyń qyzmetkerleri, buqaralyq aqparat quraldary qyzmetkerleri, agroónerkásiptik keshen qyzmetkerleri, memlekettik qyzmetkerler, orta, tehnıkalyq jáne kásiptik bilim berý uıymdarynyń pedagogteri.
«Bolashaq» baǵdarlamasy boıynsha taǵylymdamadan ótýge arnalǵan basym mamandyqtardyń tizimi 158 mamandyqty kózdeıdi.
Aıta keteıik, taǵylymdamadan ótetin stıpendıattar kepilge múlik usynbaıdy. Mindettemelerdi oryndaý úshin eki garant usyný ǵana jetkilikti.
Garant retinde sońǵy 12 aıda turaqty tabysy bar 50 jasqa deıingi QR azamattary bola alady.
Taǵylymdamadan ótýge úmitkerlerdiń keminde 3 jyl jumys ótili bolýy tıis, sonyń ishinde sońǵy 12 aı boıy tańdaǵan mamandyq boıynsha jumys isteýi tıis. Sonymen qatar taǵylymdamaǵa qabyldaıtyn sheteldik uıymnan shaqyrý, deńgeıi keminde V1 QAZTEST sertıfıkatynyń bolýy mindetti.
«Ǵalymdar» sanaty boıynsha taǵylymdamadan ótý úshin ótinimderdi qabyldaý men konkýrstyq irikteý bólek júrgiziledi, ótý merzimderi týraly qosymsha habarlanatyn bolady.