Tintý kezinde paıdalanýǵa daıyn 130 kg astam esirtki tárkilendi.
İİO qyzmetkerleri Almaty oblysyndaǵy úsh jasyryn esirtki zerthanasyn joıdy, dep habarlaıdy Almaty-akshamy.kz Polisia.kz-ke silteme jasap.
Onyń ekeýi fıtolaboratorıa bolyp shyqty.
«Tintý sharalary barysynda paıdalanýǵa daıyn 130 kg astam esirtki tárkilendi. Esirtki zerthanasyn uıymdastyrǵany úshin tórt adam ustaldy, onyń ekeýi taıaý shetel azamattary. Atalǵan qylmystardy jasaǵany úshin múlki tárkilenip, 10 jyldan 15 jylǵa deıingi merzimge bas bostandyǵynan aıyrý túrindegi jaza kózdelgen», – dedi QR İİM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.
Jalpy jyl basynan beri 4 esirtki zerthanasy joıyldy, 400-den astam esirtki quqyq buzýshylyǵy anyqtaldy, olardy jasaǵany úshin 160 adam ustaldy, onyń 10-y sheteldik.