Qurylys salasy - Almaty obysyndaǵy eń damyǵan salalardyń biri. Jyl saıyn jańa áleýmettik mańyzy bar nysandar salynyp, óńirdiń kelbeti ózgerdi. Halyqtyń turmys jaǵdaıy jaqsaryp, jetisýlyqtar óz úılerinde qonys toıyn toılaýda.
Sońǵy birneshe jylda oblysta qalalar men aýdandar bólinisinde jańa shaǵynaýdandar, turǵyn úı alaptary, áleýmettik mańyzy bar jáne ekonomıkalyq nysandar boı kóterýde, dep habarlaıdy Almaty-akshamy.kz Jetisy media-ǵa silteme jasap.
Máselen, tek oblys ortalyǵyn alyp qarasaq, aýqymdy jumystar atqaryldy. Sońǵy bes jylda oblys ortalyǵynda buryn-sońdy bolmaǵan qurylys qarqyny men aýqymy baıqalady. Olardyń arasynda stýdentterge arnalǵan jataqhana, jańa drama teatry, júzý baseıni, jańa shaǵyn aýdandar, kópsalaly aýrýhana, Jastarǵa qyzmet kórsetý ortalyǵy, mýzyka mektebi, jalpy orta bilim berý mekemeleri, jańa sýburqaqtar jáne taǵy basqalar bar.
Ár nysan óziniń erekshe sáýletimen erekshelenedi. Olardyń biri balyq túrinde jasalǵan olımpıadalyq tıptegi jabyq júzý baseıni. Álemdik deńgeıdegi olımpıadalyq baseın qalanyń ońtústik-batys turǵyn alabynda ornalasqan. Joba memlekettik-jeke menshik áriptestik aıasynda júzege asty. Jabyq baseınniń jalpy aýdany 13 myń metr sharshyny quraıdy. Álemdik standarttarǵa saı keletin 3 baseın bar. Eń úlkeniniń uzyndyǵy 52 metr, eni 25 metr. Amfıteatr túrindegi minbelerden 500-den astam adam baqylaı alady.
Negizgi fronttardy kotej qalashyǵy jáne ońtústik-batys turǵyn alaby dep ataýǵa bolady.
2019 jyldan bastap kotej qalashyǵynda 35 myń sharshy metrden astam turǵyn úı alańy salyndy. Osy jobany iske asyrýdyń arqasynda 400-den astam otbasy kópten kútken baspanaǵa ıe boldy. Birinshi kezekte turǵyn úı kiltterin halyqtyń áleýmettik osal toptary aldy.
Sondaı-aq, osy aýmaqta mektep, balabaqsha, aleıalar, saýda ortalyqtaryn salý josparlanýda.
Kóp qabatty úılerdiń qurylysy da toqtamaıdy. Búginde ońtústik-batys aýdanynda otyz úı qurylysy salynyp jytr. Olardyń qatarynda kóp korpýsty ártúrli bıiktikti keshender men ákimshilik ǵımarattar bar.
«Memlekettik baǵdarlamalardy sátti júzege asyrýdyń arqasynda bizdiń óńirde ekonomıka nyǵaıyp, ınfraqurylym jaqsaryp, qalalar men aýyldardyń ómir súrý deńgeıi men kelbetin edáýir jaqsartatyn jańa áleýmettik jáne mádenı nysandar paıda bolady», - deıdi Taldyqorǵan turǵyny Baný Ibragımova.
Esterińizge sala keteıik, bıyl Astana kúnine oraı Almaty oblysynda 200 otbasy páter kiltterin aldy. Qonys toıyn oblys ortalyǵynda ǵana emes, Qapshaǵaı qalasynda, sondaı-aq Eńbekshiqazaq, İle aýdandarynda toılady.
Táýelsizdiktiń 30 jyldyǵyn merekeleý jyly taǵy da kópten kútken oqıǵalardyń qatarynda Jambyl aýdanynda ambýlatorıanyń paıdalanýǵa berilýi, İle aýdanynda mekteptiń ashylýy jáne Tekeli qalasynda qonaq úı kesheniniń iske qosylýy boldy.
Aıta keteıik, Almaty oblysy respýblıka boıynsha turǵyn úı alańdaryn iske qosý kórsetkishteri boıynsha kósh bastap tur. Tek ótken jyly «Nurly jer» baǵdarlamasy boıynsha oblysta 957,1 myń sharshy metr turǵyn úı paıdalanýǵa berildi. Turǵyn úı memlekettik baǵdarlamasyn iske asyrý aıasynda 2396 otbasy baspanaly boldy. 2025 jylǵa deıingi josparlar boıynsha oblysta 5,4 mln sharshy metr turǵyn úı salynady. Onyń ishinde 1,1 mln sharshy metr «Nurly jer» aıasynda boı kótermek. Budan basqa, 58 myń páterlik bir myńnan astam komersıalyq kóp qabatty úıler salý josparlanǵan, olardyń bes myńy «7-20-25» memlekettik baǵdarlamasy aıasynda iske asatyn bolady. Tórt jyldan keıin oblys boıynsha kópten kútken baspanamen úsh myń áleýmettik osal azamattar jáne 5,5 myńǵa jýyq kóp balaly otbasy qamtamasyz etilmek.
Sport nysandary da shette qalmaıdy. İri jáne shaǵyn DSHSK barlyq aýdandar men qalalarda salynyp, paıdalanýǵa berildi. Almaty oblysynda jańa kósheler men aýlalar salynýda, saıabaqtar men skverler kógaldandyrylýda, ınfraqurylym nyǵaıtylýda, iri áleýmettik nysandar: balabaqshalar, mektepter men aýrýhanalar salynýda. Oblys ákimi Amandyq Batalov salynyp jatqan nysandardyń sapasyna erekshe nazar aýdarady. Qurylys salasy mamandyqtarynyń ókilderi aımaqtyń damýyna úlken úles qosatynyn atap ótken jón.