Bıyl Almaty oblysy «Úsharal-Dostyq» baǵytyndaǵy avtomagıstraldyń 120 shaqyrymy salynyp bitedi.
«Úsharal -Dostyq» tas jolynyń jóndeý jumystary 2022 jyly aıaqtalady, dep habarlaıdy Almaty-akshamy.kz 24.kz-ke silteme jasap.
Búgingi kúnge deıin eki merdiger mekeme joldyń 70 kılometrden astamyn paıdalanýǵa bergen. Iaǵnı Alakól aýdanynyń ortalyǵynan Aqshı jáne Kóktuma aýylyna deıingi aralyqta kólik qatynasyna ruqsat etilip otyr. Qazaqstan men Qytaıdy jalǵaıtyn 183 shaqyrym kúre jolǵa jarty ǵasyr buryn asfált tóselgen bolatyn. Ábden eskirgen soń, 2019 jyly jol qurylysy qolǵa alyndy. Alaıda byltyr indettiń órshýine baılanysty jumys qarqyny tómendegen. Maman tapshylyǵy baıqalyp, kesteden qalǵan. Al bıyl jaǵdaı turaqtaldy deıdi jaýaptylar.
Nurhat Aqyltaev, «Qazavtojol» UK oblystyq fılıaly basshysynyń orynbasary: – Qazirgi tańda jumys kestesine saı jumys istep jatyrmyz. Osyǵan jetý úshin kúndiz-túni jumys jasadyq. Túnde qajetti materıaldardy tasyp, kúni boıy jumys jasap, qosymsha sýbarendaǵa merdigerlerdi shaqyrtyp, qosymsha arendaǵa tehnıkalar shaqyryp, kesteden qalǵan problemamyzdy joıdyq. Jáne de barlyq jumystar kelisimsharttyń merziminde josparǵa sáıkes aıaqtalady.