Almaty oblysynyń Eńbekshiqazaq aýdanynan Mańǵystaýǵa 22 vagon shóp bir kúnde jetkizildi, dep habarlaıdy Almaty-akshamy.kz Mangystautv.kz-ke silteme jasap.
«Shopan ata» qaýymdastyǵynyń ókilderi arnaıy kelip, mal azyǵyn taratý jumystaryna qatysty. Oblystaǵy mal basy eń kóp aýdan Mańǵystaý aýdanyna 10 vagon, Jańaózen qalasyna 5 vagon, Túpqaraǵan aýdanyna 3 vagon, al Munaıly jáne Qaraqıa aýdandaryna 2 vagonnan shóp úlestirilgen. Belsendilerdiń aıtýynsha, kelgen mal azyǵyn aýdanǵa qarasty aýyldar bir-bir vagonnan bólispek.
Qoıshybek Medımanov, Shetpe aýylynyń turǵyny:
- Mańǵystaýdaǵy qýańshylyqqa baılanysty jan-jaqtan kómek kelip jatyr. Jambyl, Aqtóbe oblystarynan 400 myń shaqyrym jerdegi Almaty oblysy Eńbekshiqazaq aýdany jigitteri eliniń basyna túsken qıynshylyqta ózderiniń úıinen de 2-3 oramnan shóp, 4-5 qaptan jem salyp, Mańǵystaý jerine jiberip jatyr. Bul qazaqtyń biriliginiń, yntymaǵynyń sımvoly sıaqty.
Dıdar Qanjazov, Eńbekshiqazaq aýdanynyń turǵyny:
- Eńbekshiqazaq aýdanynyń Shelek óńiriniń túkpir-túkpirindegi aǵaıyn, amanattaryńdy jetkizdik. Mine, el-jurt ádil túrde bólip alyp jatyr. Almaty oblysy Eńbekshiqazaq aýdany, barlyqtaryńyzǵa myń da bir rahmet. Mańǵystaý oblysynyń halqy alǵysyn aıtyp jatyr.