Almaty oblysynda 154 múmkindigi shekteýli azamat memleketten tıesili kómekti almaǵan, dep habarlaıdy Almaty-akshamy.kz Inform.kz-ke silteme jasap.
Qarasaı aýdany prokýratýrasy júrgizgen taldaý kezinde osyndaı faktiler anyqtaldy. Atap aıtqanda, 141 kámeletke tolmaǵan bala arnaıy oqý baǵdarlamasymen ǵana bilim alýǵa muqtajdyǵyna qaramastan, jergilikti atqarýshy organ tarapynan osy balalar nazardan tys qalyp, bilim alý quqyǵynan aıyrylǵan. Zańnama talaptaryna sáıkes jergilikti memlekettik basqarý organdary múgedekterdi ońaltýdyń jeke baǵdarlamasyna sáıkes múgedekterdiń jáne múgedek balalardyń sanatorıı-kýrorttyq emdelýin qamtamasyz etetini aıqyndalǵan. Alaıda, 51 múgedek sanatorlyq-kýrorttyq emdeýge joldanbaǵan.
«101 múgedekke zańnamamen kepildengen protezdik-ortopedıalyq kómekpen, tehnıkalyq, arnaýly júrip-turý quraldarymen qamtamasyz etilmegen. Onyń ishinde 13 múmkindigi shektelgen jasóspirimdi aýdandyq memorgandar estý quraldarymen jabdyqtamaǵan. Qarasaı aýdany kóleminde 5 myńnan asa arnaıy kómek talap etetin azamat bar ekendigin atap ótý qajet. Osy turǵyndardyń quqyǵyn qorǵaý úshin prokýrorlyq qadaǵalaý aktisi engizilip, kináliler ákimshilik jáne tártiptik jaýapkershilikke tartyldy»,- delingen Qarasaı aýdany prokýratýrasynyń habarlamasynda.