Qazaqstandyq Aleksandr Nedovesov juptyq synda Ýımbldon týrnıriniń ekinshi aınalymyna shyqty, dep habarlaıdy Almaty-akshamy.kz Inform.kz-ke silteme jasap.
Qazaqstandyq tenısshi pákistandyq Aısam Kýreshımen birge bastapqy kezdesýin aýstralıalyq Djeıms Dakvort – amerıkalyq Markos Hıronmen ótkizdi. Qazaqstandyq-pákstandyq jup qarsylastarynan 6:3, 6:7 (10:12), 6:1, 6:2 esebimen basym tústi.
Eki jarym saǵatqa jýyq ýaqytqa sozylǵan tartysty mach barysynda Nedovesov pen Kýreshı 7 eıs jasap, 11 breık-poınttyń beseýin paıdalandy. Olar úshinshi aınalymǵa shyǵý úshin brazılıalyq Rafael Matos – ıspanıalyq Davıd Vega-Ernandespen talasady. Taǵy bir qazaqstandyq Andreı Golýbev ýkraınalyq Denıs Molchanovpen birge alǵashqy aınalymda ıspanıalyq Pedro Martınes Portero – aýstralıalyq Djon-Patrık Smıtke ese jiberip, jarys jolynan shyǵyp qaldy – 3:6, 6:7 (1:7), 4:6. Eske sala keteıik, budan buryn Elena Rybakınanyń ekinshi aınalymǵa ótkenin, álemde eıs jasaýdan kósh bastap kele jatqanyn jazǵan bolatynbyz.
Sondaı-aq Aleksandr Býblık Ýımbldon týrnıriniń úshinshi aınalymyna shyqty.