Qazaqstandaǵy toǵyz qalanyń atmosferalyq lastanýy joǵary deńgeıde.
"Qorshaǵan ortaǵa barynsha áser etetin iri óndiristik kompanıalardyń qyzmetin ekologıalyq baqylaý" týraly Ortalyq komýnıkasıalar qyzmetinde ótken brıfıńte Ekologıalyq retteý jáne baqylaý komıtetiniń tóraǵasy Zulfuhar Joldasov aýasy las qalalar tizimin jarıa etti, dep habarlaıdy Almaty-akshamy.kz Inbusiness.kz silteme jasap.
"Ekologıalyq monıtorıń nátıjeleri boıynsha 45 ónerkásiptik qala men megapolısta, 9 qalada atmosferalyq aýanyń lastanýy joǵary deńgeıde. Bul – Astana, Almaty, Qaraǵandy, Temirtaý, Atyraý, Aqtóbe, Balqash, Óskemen jáne Shymkent qalalary. Ótken jyly mundaı qalalardyń sany 10 bolǵan edi. Alaıda, osy jyldyń basynda "joǵary" deńgeıden "orta" deńgeıge ótken Jezqazǵan qalasy tizimnen shyǵaryldy", - deıdi Zulfuhar Joldasov.
Onyń aıtýynsha, elimizdiń ekologıalyq ahýalyna eń aldymen bıznes qaýymdastyq áser etedi. Óıtkeni qorshaǵan ortaǵa kez kelgen óndiris ómir boıy áser etedi. Sý obektileri, topyraq, aýa, ósimdik jáne janýarlar álimen tıgizgen zıan, kez kelgen kásiporynnyń aıyppulǵa ilinýine yqpal etýi múmkin. Degenmen, qazir kásiporyndar jasyl ekonomıkaǵa bet buryp keledi.
"Óıtkeni tabıǵatty qorǵaý táýekelderi bıznes bedeline áser etedi", - deıdi Ekologıalyq retteý jáne baqylaý komıtetiniń tóraǵasy Zulfuhar Joldasov.