Jetisý aýdanyna jasaǵan jumys saparyn qala basshysy áleýmettik ınfraqurylym men ınjenerlik jelilerdi damytý máseleleri kún tártibinde turǵan "Kemel" shaǵynaýdanynan bastady, dep habarlaıdy Almaty-akshamy.kz
Qazirgi kezde shaǵynaýdan turǵyndaryna yńǵaıly bolý úshin otbasylyq-dárigerlik ambýlatorıa salynýda, óıtkeni jaqyn mańdaǵy emhana 4 shaqyrym jerde ornalasqan. Medısınalyq mekeme alǵashqy naýqastardy aǵymdaǵy jyldyń kúzinde qabyldaı bastaıdy.
"Kemel" shaǵynaýdanynyń turǵyndary aýyz sýǵa qoljetkizýde únemi qıyndyqtarǵa tap bolýda. Sýmen jabdyqtaýdy elektr sorǵylary qamtamasyz etedi, elektr qýaty ajyratylǵan kezde halyqta sý bolmaıdy. Bul problemalar oblystyń qalamen shekaralary ózgergen kezde «mura» retinde qalǵan. «Shetsiz qala» baǵdarlamasyn iske asyrý aıasynda osy máselelerdi sheshý úshin ınjenerlik jelilerdiń eki jobasy (elektrmen jabdyqtaý jáne sýdan burýmen sýmen jabdyqtaý) ázirlendi. Qurylys-montaj jumystary 2022 jyldyń ekinshi toqsanyna josparlanǵan. Qala basshysy aýdan ákimine osy jobalardyń iske asyrylýyn erekshe baqylaýda ustaýdy tapsyrdy.
Shaǵynaýdan turǵyndarynyń demalýyna jaıly jaǵdaı jasaý maqsatynda 10 myń adamdy qamtıtyn demalys jáne belsendi demalys aımaqtaryn abattandyrý boıynsha joba qarastyrylýda. "Kemel" shaǵynaýdanynda jaǵalaý aımaǵyn salý jobasy 2020 jyly ázirlendi. Nysannyń qurylysy úshin respýblıkalyq búdjetten 789,8 mln teńge somasynda qarjylandyrý suraldy.
Aýdandy aralaý barysynda Almaty ákimi qart adamdar ıogamen, horeografıamen, aıkýnmen, skandınavıalyq eńbek terapıasymen aınalysatyn, aǵylshyn jáne qazaq tilderin oqytatyn (aı saıyn 70-80 adam barady) Mádenıet úıiniń jumysymen tanysty, sondaı-aq turǵyndarmen kezdesti, olardyń ótinishteri men usynystaryn tyńdady. Ózekti taqyryptardyń qatarynda qoǵamdyq kólik aıaldamalaryn uıymdastyrý, avtobýs baǵyttaryn ózgertý jáne t.b. máseleler kóterildi. Kezdesý qorytyndysy boıynsha qala basshysy qalalyq mobıldilik basqarmasyna qoǵamdyq kólik qozǵalysyna saraptama júrgizýdi jáne turǵyndardyń máselelerin qaraý úshin tıisti sharalar qabyldaýdy tapsyrdy.
Qala ákimi Dýlyǵa kóshesindegi apatty jaǵdaıdaǵy úılerdiń turǵyndarymen de kezdesti. Tıisti sharalar qabyldaý úshin másele baqylaýǵa alyndy.
Jaqyn arada "Kemel" men "Kókjıek" shaǵynaýdanynyń balalary Jaısań kóshesinde ornalasqan dene shynyqtyrý-saýyqtyrý kesheniniń seksıalaryna tegin bara alady. Onyń qurylysyn osy jyldyń 1 toqsanynyń sońyna deıin aıaqtaý josparlanýda.
"Kókjıek" shaǵynaýdanynda qala ákimine jańa qaraǵaı ormanynyń aýmaǵy kórsetildi. «Taza Qazaqstan» ekologıalyq jobasyn iske asyrý aıasynda 3,1 gektar jerge 1 500-den astam qaraǵaı men 11 myńnan astam japyraqty aǵash otyrǵyzyldy. 65 metr tereńdikte sorǵyny ornatý boıynsha jumystar júrgizildi, 25 tekshe metr sýǵa qatysty 2 rezervýar ornatyldy. Qazirgi kezde aǵash kóshetterin tamshylatyp sýarý tetikterin ornatý jumystary júrgizilýde. Qala basshysy aǵymdaǵy jyldyń sýarý maýsymyna baılanysty jasyl ekonomıka basqarmasy jumystardy aıaqtaýy tıis ekenin atap ótti.
Aýdandy aralaý barysynda E.Dosaev "Kókjıek" shaǵynaýdanyndaǵy №177 mektepke bardy. Oqý mekemesi qosymsha qurylys salý esebinen 600 orynǵa keńeıtildi, bul oryn tapshylyǵy máselesin sheshýge yqpal etti.
Qala ákimimen kezdesý barysynda Jumysshy kentiniń turǵyndary medısınalyq qyzmetterge qoljetimdilik problemasy jóninde aıtyp berdi. Turǵyndar basqa aýdandardyń emhanalaryna barýǵa májbúr. E. Dosaev aýdan ákimine jańa emhana salý úshin qolaıly jer ýchaskesin izdeý boıynsha sharalar qabyldaýdy tapsyrdy.
Jumys saparynyń sońynda qala ákimi 2021-2025 jyldarǵa arnalǵan turǵyn úı qoryn jańartý baǵdarlamasy aıasynda Krylov, Skrábın, Goncharov kósheleri men Raıymbek dańǵylynyń kvadratynda salynyp jatqan úılerdiń qurylys barysymen tanysty. Qazirgi kezde qurylys-montaj jumystary júrgizilýde, 30 eski eki qabatty úıdi súrý júzege asyrylýda. Olardyń ornynda 2024 jylǵa deıin 24 kóp páterli úı (buzylǵan 11 úıdiń ornynda 9 úı aǵymdaǵy jyldyń sońyna deıin tapsyrylady) salynady.
Aralaý qorytyndysy boıynsha qala basshysy Jetisý aýdanynyń ákimi G.Kókebaevanyń jumysyn maquldady jáne «Shetsiz qala» baǵdarlamasy aıasynda aýdandy odan ári damytýdy jalǵastyrýdy tapsyrdy.