Almatylyq «Qaırat» pen qostanaılyq «Tobyl» kezdesedi
Mach 2 naýryz kúni elordadaǵy «Astana Arena» stadıonynda bolady. Bul jóninde Qazaqstan kásipqoı fýtbol lıgasynyń baspasóz qyzmeti málimdedi, dep habarlaıdy Almaty-akshamy.kz 24.kz-ke silteme jasap.
«Naýryzda oıyndar kestesiniń tyǵyzdyǵyna baılanysty klýbtarmen kelise otyryp, sýperkýbok jeńimpazyn klasıkalyq túrde bir oıynmen anyqtaý týraly sheshim qabyldandy», - delingen resmı habarlamada.
Eske sala keteıik, Qazaqstan sýperkýbogi 24 aqpanda bastalýy kerek edi. Týrnırge «Tobyl», «Astana», «Qaırat» jáne «Qyzyl Jar» qatysady dep josparlanǵan. Biraq qańtardaǵy jaǵdaıǵa baılanysty ýaqyty shegerildi. Tipti ótpeýi múmkin degen aqparat tarady. Endi basy-qasyndaǵylar osyndaı formatta jasamaq. Al el chempıonatynyń ózi 5 naýryzda bastalady.