Ońtústik Koreıanyń Chýnchonnam-do provınsıtásynyń gýbernatory Kım The Hymmen kezdesken Almaty ákimi Erbolat Dosaev Qazaqstan-Koreı qatynastary strategıalyq áriptestiktiń joǵary deńgeıinde ekenin atap ótti.
Almaty ákimi Ońtústik Koreıa Qazaqstan ekonomıkasyndaǵy jetekshi sheteldik ınvestorlardyń biri bolyp tabylatynyn atap ótti. 2005 jyldan beri shamamen 9,5 mlrd. AQSH dollary tartylǵan. Almaty men Koreıa Respýblıkasy arasyndaǵy taýar aınalymy qarqyndy ósýde. 2023 jyly bul kórsetkish 2022 jylmen salystyrǵanda 21% - ǵa artyp, (2022 j. - 1,05 mlrd. AQSH) 1,27 mlrd. AQSH dollaryn qurady, dep habarlaıdy almaty-akshamy.kz.
Almatyda Ońtústik Koreıa kapıtalynyń qatysýymen 537 kásiporyn jumys isteıdi (Qazaqstanda - 735). Koreı bıznesi Samsung, KIA, Hyundai, LG, SsangYong, Lotte jáne t.b. sıaqty iri kompanıalar arqylyn keńinen usynylýda.
Óz kezeginde Kım The Hym Erbolat Dosaevqa qonaqjaılylyǵy úshin alǵys aıtyp, qazaq jáne koreı halyqtary arasyndaǵy tereń tarıhı baılanystardy atap ótti. Kım The Hym etnıkalyq koreılerdiń Qazaqstanǵa qonys aýdarýynyń qıyn kezeńinde otandastaryna kórsetilgen qoldaýdy atap ótip, odan ári áriptestikti nyǵaıtýǵa úmit bildirdi.
Ol sondaı-aq Chýnchonnam-do provınsıasy Ońtústik Koreıa ekonomıkasy damýynyń lokomotıvi ekenin, eksport kólemi boıynsha úshinshi, saýda balansy men JÓÓ boıynsha ekinshi orynda turǵanyn habarlady. Búgingi tańda provınsıada elektronıka, kosmetıka, azyq-túlik taýarlary, aýyl sharýashylyǵy jáne balyq sharýashylyǵy óndirisi damyǵan.
Taraptar yntymaqtastyqty odan ári damytý úshin zor áleýetti atap ótti. Kezdesý barysynda saýda-ekonomıkalyq jáne ınvestısıalyq ózara is-qımyldy, onyń ishinde týrızm, bilim berý jáne jastardy qoldaý salalaryn ulǵaıtý máselelerine erekshe nazar aýdaryldy.