Kórkem gımnastıkadan Qazaqstan quramasynyń úzdigi Eljana Tanıeva Tashkentte ótip jatqan Azıa chempıonatynda Parıj Olımpıadasynyń joldamasyna qol jetkizdi.
Bul el qorjynyna túsken 50-shi joldama, dep habarlaıdy almaty-akshamy.kz.
Otandasymyz kópsaıys qorytyndysy boıynsha 133.40 upaı jınap, birinshi orynǵa ıe boldy. Jarys erejesi boıynsha, kvota tek qana altyn medal alǵan sportshyǵa beriledi.
Osylaısha Eljana Tanıeva Azıa chempıonatynyń altyn medalimen birge, Olımpıada oıyndarynyń joldamasyn da jeńip aldy.
Taǵy bir qazaqstandyq sportshy Aıbota Ertaıqyzy jarysty besinshi orynmen aıaqtady.