Almaty qalasynyń Almaly aýdanynda ornalasqan saýda býtıginde oq-dáriler salynǵan qapshyq tabyldy, dep habarlaıdy Almaty-akshamy.kz QazAqparatqa silteme jasap.
Polısıa departamentinde habarlaǵandaı, býtıkke jumysqa kelgen qurylysshylar baspaldaq astynan jasyl qapshyq taýyp alǵan.
«Atalǵan úı-jaıdyń artqy esigi bar. Jóndeý jumystary kezinde ol ashyldy, munda kósheden erkin kirýge bolady. Qapshyq zattarǵa toly eken. Polıseıler vıntovkalar men tegis uńǵyly qarýlarǵa arnalǵan ártúrli kalıbrli birneshe ondaǵan patrondardy tárkiledi.
Sondaı-aq, munda joǵary qabatta hostel ornalasqan. Osynda kelgen qonaqtardyń biri bul qapshyqty arnaıy jasyrǵan dep boljaýǵa bolady.
Bul oq-dáriler tabylǵannan keıin bastalǵan tergeý barysynda anyq belgili bolady», - dedi polısıa departamentinde.