Almaty oblysy boıynsha sybaılas jemqorlyqqa qarsy qyzmeti azaptaý faktisimen 37 qylmystyq isti tergeýde, dep habarlaıdy Almaty-akshamy.kz QazAqparatqa silteme jasap
«Onyń ishinde sybaılas jemqorlyqqa qarsy qyzmeti 27 isti, PD ózindik qaýipsizdik basqarmasy 6 isti, prokýratýra organdary 4 isti tirkegen», - dedi Almaty oblystyq sybaılas jemqorlyqpen kúres departamenti basshysynyń orynbasary Dýlat Madıarov.
Vedomstvo ókiliniń aıtýynsha, qańtar oqıǵalary boıynsha tergelip jatqan qylmystyq isterdi tirkeýge negiz bolyp quqyq qorǵaý organdary qyzmetkerleri qylmysty moıyndatý úshin jábirlenýshilerdi azaptaǵan degen aryzdar men shaǵymdar tabylǵan.
«Polısıa qyzmetkerleriniń is-áreketterine qatysty aryzben jábirlenýshilerdiń qorǵaýshylary, týystary, ata-analary jáne ózderi de sybaılas jemqorlyqqa qarsy qyzmetine júgingen. Sonymen qatar, buqaralyq aqparat quraldaryna kúndelikti taldaý jasalyp, qajetti tergeý amaldary júrgizilýde», - dedi Dýlat Madıarov.
Qazirgi tańda, istiń jan-jaqtylyǵyn qamtý maqsatynda kúndelikti qarqyndy birqatar tergeý áreketteri júrgizilýde.
Atap aıtqanda, barlyq aryzdanýshylar jábirlenýshi retinde tanylyp, olardan azaptaýdyń qalaı jáne qaı jerde bolǵandyǵy týraly jaýap alyndy, taný jáne bettestirý áreketteri, olarmen oqıǵa bolǵan jerge baryp mán-jaıdyń qalaı bolǵandyǵy týraly tergeý áreketteri júrgizilýde, jaraqattardyń aýyrlyq sanatyn anyqtaý úshin tıisti medısına salasynyń qyzmetkerleriniń qatysýymen sot-medısınalyq saraptamalar taǵaıyndaldy.
Ár jazǵan aryz boıynsha bólek qylmystyq ister tirkelip, jábirlenýshilerdiń ókilderimen jeke-dara jumystar atqarylyp jatyr. Ár qylmystyq is boıynsha prosestik prokýrorlar taǵaıyndaldy.
Barlyq qylmystyq ister Sybaılas jemqorlyqqa qarsy qyzmeti agenttigi men prokýratýra organdarynyń qatań baqylaýynda tur.
«Óz tarapymnan jáne sybaılas jemqorlyqqa qarsy qyzmeti atynan ár is boıynsha kináli tulǵalardy anyqtaýǵa jáne jaýapkershilikke tartýǵa baǵyttalǵan áreketterdi jalǵastyratyndyǵymyzdy málimdeımin. Basqa aqparat tergeýdiń qupıalylyǵyn saqtaý maqsatynda jarıalaýǵa jatpaıdy», - dep tolyqtyrdy Almaty oblystyq sybaılas jemqorlyqpen kúres departamenti basshysynyń orynbasary Dýlat Madıarov.