Memleket basshysynyń Qazaqstan halqyna Joldaýynyń basty qaǵıdattary baıandaldy.
D.A.Qonaev atyndaǵy Zań akademıasynyń qabyrǵasynda Prezıdent Joldaýyn talqylaýǵa arnalǵan alqaly jıyn ótti, dep habarlaıdy Almaty-akshamy.kz.
İs-sharaǵa D.A.Qonaev atyndaǵy Zań akademıasynyń rektory Ómiráli Jalaırı, zań ǵylymynyń doktory Aıtqojın Kóshekuly, profesor Erkinbek Raqymbaev bastaǵan osy oqý ornynyń oqytýshylary, stýdentteri, t.b. jetekshi mamandar qatysty.
Jıyn barysynda Qazaqstan Respýblıkasynyń Prezıdenti Q.K.Toqaevtyń «Ádiletti memleket. Birtutas ult. Berekeli qoǵam» atty Joldaýynyń mán-mańyzy, halyqqa berer paıdasy, quqyqtyq memleketke aınalý máselesi, azamattardyń oı-pikiriniń ashyq júrýi, Konstıtýsıalyq reformalar, t.b. jaıynda keńinen aıtyldy. Memleket basshysynyń Qazaqstan halqyna Joldaýynyń basty qaǵıdattary baıandaldy. Ol týraly D.A.Qonaev atyndaǵy Zań akademıasynyń rektory Ómiráli Jalaırı aıtyp ótti.
– El Prezıdenti Qasym-Jomart Toqaevtyń kezekti Joldaýyn halyq ystyq yqylaspen qabyldady. Endi aldymyzda jańa bastamalar kútip tur. Ony júzege asyrý bárimizge ortaq sharýa. Sondaı-aq, quqyqtyq memleketke aınalýymyz kerek. Eger osyny iske asyrsaq, sottyń ádildigi, zańdardyń oryndalýy sıaqty dúnıeler birtindep shishile bermek, – dedi ol.
Sondaı-aq, dúnıejúzindegi saıası tájirıbe, onyń qoǵamǵa tıgizer áseri de aıtylmaı qalǵan joq.
– Biz tarıhı kezeńge aıaq bastyq. Elimizdegi saıası ózgeristerdiń aýqymy keń. Bundaı ózgerister álemde bar tájirıbe. Burynǵy Parlament óz deńgeıinde jumys atqara almady. Sonyń nátıjesinde quqyqtyq memleketke aınalýdyń joldary ashyq bola qoıǵan joq. Sondyqtan quqyqtyq-normatıvtik zańdar durys jumys isteı almady. Áli kúnge deıin Prezıdenttiń ókilettilikterine baılanysty Parlament jumysyn naqtylaı júrgize almadyq. Memleket basshysynyń 7 jyldyq merzim degeni oń oı. Aldaǵy ýaqytta osy máselelerdi quqyqtyq jolmen sheshe alsaq, nur ústine nur bolmaq, – dedi Aıtqojın Qabýlsamıh.
Sonymen qatar, jıynda parlamenttik respýblıkaǵa qatysty pikirler aıtyldy. Onyń memleketke berer áseri sóz boldy.
– Álemdegi ahýal ózgerip barady. Kórshi Qyrǵyz eli parlamentik respýblıka boldy. Biraq onda tolqýlar ótip, turaqsyzdyqtar oryn aldy. Olar qaıtadan Prezıdenttik basqarý rejımine qaıtyp keldi. Eger biz de Parlamentke bar kúshti bersek, qyryq pyshaq bolyp qalýymyz múmkin. Sondyqtan Prezıdenttik basqarý bolýy qajet. Eń bastysy, jemqorlyqty joıý shart. Bul – ýaqyt kúttirmeıtin másele. Dálirek aıtqanda, beıjaı qaraýǵa bolmaıdy. Meıilinshe zań ústemdigin is júzinde júzege asyraıyq, – dedi zań ǵylymynyń doktory Erkin Dúısenov.