Jańa mamandyq paıda bolǵanymen, keıbir mamandyqtar joıylady.
Týrızm salasyna jańa mamandyqtar kelip, eski mamandyqtar joq bolýy múmkin. Aldaǵy ýaqytta agrotýrızm menedjeri paıda bolyp, tazalaǵysh mamandar joıylýy yqtımal, dep habarlaıdy Almaty-akshamy.kz Ranking.kz caıtyna silteme jasap.
2021 jyldyń ekinshi toqsanynda týrızm salasynda jumys istegen azamattardyń sany 0,7 myń adamdy qurady, bul ótken jylǵy kórsetkishtermen salystyrǵanda 22,2%-ǵa az. Sala mamandarynyń jalaqysy tórt jyldan beri tómendep keledi. 2020 jyldyń ekinshi toqsanynda týrızm salasynda jumys isteýshilerdiń sany 0,9 myń adamdy quraǵan, demek, atalmysh saladaǵy jumysshylar sany 10%-ǵa azaıǵan.
Jalpy, ústimizdegi jyly sala mamandarynyń sany 0,5% quraıdy - bul ótken jylmen salystyrǵanda 16,7%-ǵa az.
2021 jyldyń qańtar-maýsymynda týrızm qyzmetkerleri ortasha eseppen 822,3 saǵat jumys istegen, bul ortasha respýblıkalyq kórsetkishten 8% az. Bir týrızm qyzmetkeri aıyna orta eseppen 137 saǵat jumys istedi.
2021 jyldyń ekinshi toqsanynda týrızm sektory jumysshylarynyń ortasha aılyq ataýly jalaqysy 188,5 myń teńgeni qurady, bul 2020 jyldyń ekinshi toqsanyna qaraǵanda 78,2%-ǵa kóp.
Salystyrmaly túrde: «koronavırýstyń» 2020 jyldyń ekinshi toqsanynda jumysshylardyń jalaqysy 105,8 myń teńgeni qurap, birden 46,9%-ǵa tómendegen.
Jańa kásipter atlasyna sáıkes jáne sala mamandarynyń pikirinshe, 2020 jyly týrısik baǵyttardyń brend-menedjeri (týrızm, tarıh jáne mádenı mura, marketıń, týrısik baǵyttardy nasıhattaý jáne týrısik baǵyttardyń tutynýshylyq psıhologıasy boıynsha maman), ıntellektýaldy saıahat platformalaryn jasaýshy (týrlardy avtomatty túrde tańdaý, bıletter men qonaqúılerdi brondaý, onlaın tólemderdi qabyldaý úshin baǵdarlamalar, júıeler men platformalar jasaıtyn maman) jáne týrısik navıgatordyń marshrýttaryn ázirleýshisi (týrıserdiń jeke qyzyǵýshylyqtary men olardy jergilikti jerde tez baǵdarlaý týraly ótinishterin eskere otyryp, saıahat baǵytyn qurýǵa arnalǵan baǵdarlamalar men qosymshalar jasaıdy) sıaqty mamandar paıda bolýy kerek bolatyn.
Al 2025 jyldan bastap Qazaqstanda agrotýrızm menedjeri, týrızm boıynsha Big Data taldaýshysy, týrısik jáne rekreasıalyq aımaqtardyń dızaıneri jáne basqa da kóptegen mamandyqtar paıda bolýy kerek.
2030 jyly Atlas sarapshylarynyń pikirinshe, ımmersıvti dızaıner (qatysýshysy joq ımıtasıalanǵan shyndyqqa batyratyn shoý nemese saıahat jasaıtyn maman), medısınalyq jáne qoljetimdi týrızm menedjeri, VR qurylǵylarynyń operatory sıaqty mamandyqtar paıda bolady. Jańa kásipter atlasyna sáıkes, týrısik baǵyttardyń brend -menedjeri (týrızm, tarıh jáne mádenı mura, marketıń, týrısik baǵyttardy nasıhattaý jáne týrısik baǵyttardyń tutynýshylyq psıhologıasy boıynsha maman) sıaqty mamandyqtar bolýy kerek.
Sonymen birge, 2020 jyly tapsyrys berilgen bıletterdi jetkizýshi jáne bılet satýshy (saıahatta) sıaqty saladaǵy mamandyqtardyń joıylýy boljanǵan bolatyn.
2025 jylǵa qaraı ydys jýatyn mashınalar, bılet agentteri, eden jýýyshylar (qonaqúıler, kempıngter, pansıonattar), bıletterdi brondaý operatorlary, týrfırmalardaǵy keńse menedjerler mamandyqtary joǵalady dep boljanyp otyr.
2030 jyly konserjder, qonaqúı habarshylary, esik ashýshylar, qonaqúılerdi brondaý boıynsha operatorlar, ınventarlar, qonaqúıdegi júk tasýshylar, tipti tazalaýshylar joıylady dep boljanyp jatyr.
Alaıda bolashaqta qonaqúılerdi kim tazalaıtyny ázirge belgisiz.
