Pentagon mindetti ımmýndaý týraly jarlyq daıyndaýda.
Mysyrda Sinovac Qytaı vaksınasynyń 15 mıllıon dozasy shyǵaryldy, dep habarlaıdy Almaty-akshamy.kz
COVID-19 taralýyna jol bermeý jónindegi VAK-tyń málimetinshe, álemde COVID-19 vaksınalarynyń 4 mıllıard 970 mıllıonnan astam dozasy qoldanyldy. Vaksına dozalarynyń eń kóp sany Qytaıda qoldanyldy -1 mlrd 950 mln doza. Odan keıingi orynda: Úndistan - 580 mıllıon 770 myń, AQSH - 362 mıllıon 660 myń, Brazılıa - 176 mıllıon 620 myń doza. Álemde COVID-19 juqtyrǵandar sany 212 mıllıon 669 myńnan asty, qaýipti vırýstyń saldarynan 4 mıllıon 445 myńnan astam adam qaıtys boldy.
AQSH Pfizer vaksınasyn maquldady: Pentagon mindetti ımmýndaý týraly jarlyq daıyndaýda. AQSH prezıdenti Djo Baıden FDA-nyń Pfizer-BioNTech vaksınasyn maquldaý týraly sheshimin quptady jáne amerıkalyqtardy múmkindiginshe tezirek vaksınalanýǵa shaqyrdy.
COVID-19-ǵa qarsy Pfizer vaksınasy AQSH-ta birinshi bolyp azyq-túlik jáne dári-dármekter basqarmasynan (FDA) tótenshe jaǵdaılarda ǵana emes, sondaı-aq, jalpy qoldanýǵa ruqsat aldy.
Mysyrda Sinovac Qytaı vaksınasynyń 15 mıllıon dozasy shyǵaryldy.
«Sinovac-Vaxera vaksınasynyń 15 mln. dozasynyń jergilikti óndirisi aıaqtaldy, olar qazirdiń ózinde vaksınasıa ortalyqtaryna jiberildi», — dep habarlady Arab Respýblıkasynyń Densaýlyq saqtaý jáne halyq mınıstri Hala Zaıd Kaırde ótken baspasóz máslıhatynda.
Onyń aıtýynsha, Egıpet jyl sońyna qaraı ishki naryqtyń, sondaı-aq Afrıkanyń qajettiligi úshin shamamen 80 mln. doza kólemine qol jetkizý maqsatynda aı saıyn osy vaksınanyń 15-ten 18,5 mln. dozasyna deıin óndiretin bolady.
«24 tamyzdan bastap barlyq azamattar osy vaksınamen tegin egiledi», - dedi mınıstr.