Forýmnyń ashylýynda Densaýlyq saqtaý mınıstrliginiń basshysy Túrkıa Respýblıkasynyń Prezıdenti Rejep Taıyp Erdoǵan myrzaǵa, túrki memleketteri Uıymynyń Hatshylyǵy men Túrkıa Respýblıkasynyń Densaýlyq saqtaý mınıstrligine kongres jumysyna qatysýǵa shaqyrǵany úshin alǵysyn bildirdi, sondaı-aq túrik halqyn basty ulttyq mereke - Respýblıka kúnimen shyn júrekten quttyqtady.
«Biz Túrki memleketteri uıymynyń alańynda densaýlyq saqtaý salasyndaǵy áriptestikti odan ári nyǵaıtýǵa erekshe mán beremiz. 2021 jyly Ystanbulda ótken Túrki memleketteri uıymyna múshe memleketter basshylarynyń Samıtinde qabyldanǵan «Túrki kózqarasy 2040» baǵdarlamasy densaýlyq saqtaý máselelerin qamtıdy jáne densaýlyqty saqtaý bizdiń elderimiz úshin basty basymdyqtardyń biri ekenin taǵy bir márte kórsetedi», - dep atap ótti A.Ǵınıat óz sózinde.
Jahandyq koronavırýstyń qoǵamnyń barlyq salalaryna áserin eske sala otyryp, ol densaýlyq saqtaý salasyndaǵy halyqaralyq yntymaqtastyqtyń mańyzyn atap ótti.
«Biz pandemıa kezinde kórsetken seriktesterimizdiń qoldaýyn baǵalaımyz jáne Túrkıaǵa kórsetilgen gýmanıtarlyq kómek úshin alǵys aıtamyz», - dep atap ótti Qazaqstannyń densaýlyq saqtaý mınıstri.
«Elderimizdiń tarıhı damýy, densaýlyq deńgeıi men densaýlyq saqtaý júıesi uqsas. Jumys toptary men bastamalarǵa birigý bizge ortaq máselelerdi sheshýge jáne birlesken maqsattarǵa jetýge múmkindik beredi. Bul kongres jahandyq deńgeıde densaýlyq saqtaýdy nyǵaıtýda mańyzdy ról atqarady, mamandar arasyndaǵy kásibı yntymaqtastyqty keńeıtedi», - dep túıindedi Qazaqstan Densaýlyq saqtaý mınıstrliginiń basshysy.
Kongrestiń basty oqıǵalarynyń biri - Rejep Taıyp Erdoǵan myrzanyń ózi ótkizgen qatysýshy elderdiń densaýlyq saqtaý mınıstrlerine «Medısına tarıhyna beıildilik» jáne «Ortaq tarıh» marapattaryn tapsyrý rásimi boldy.
Qazaqstan Respýblıkasy Densaýlyq saqtaý mınıstrliginiń basshysyna Túrkıa Prezıdentiniń qolynan COVID-19 indetimen kúreske qosqan úlesi úshin elimizdiń medısınalyq ǵylymı qoǵamdastyǵy men medısına qyzmetkerlerine arnalǵan estelik músinshe tabystaldy.
