Jeltoqsannan bastap Ózbekstanmen shekaradaǵy «Qaplanbek» ótkizý beketi jabylady, dep habarlaıdy Almaty-akshamy.kz Inform.kz-ke silteme jasap.
«Qaıta qurý qorytyndysy boıynsha 2-den 6 jolaqqa deıin keńeıtý júrgiziledi, «Qaplanbek» ótkizý pýnktiniń ótkizý qabileti táýligine 200-den 1000 kólik quralyna deıin ulǵaıtylady, shekaradan ótý ýaqyty 25 mınýtqa deıin qysqarady.
Budan basqa, kólik quraldarynyń toqtaýsyz qozǵalysy úshin Tehnıkalyq baqylaýdyń biryńǵaı ótpeli avtomattandyrylǵan dálizderin paıdalaný jolymen ótkizý pýnktinde kólik quraldarynyń qozǵalysynyń barlyq sıklin avtomattandyrý josparlanýda, bul sybaılas jemqorlyq táýekelderin boldyrmaýǵa múmkindik beredi», - dep jazdy vedomstvodan.
Óz kezeginde, Memlekettik kirister komıteti Eýrazıalyq ekonomıkalyq odaqqa múshe memleketterdi jáne iri tasymaldaýshylardy kólik quraldary men jeke tulǵalardyń aǵynyn shekaranyń osy ýchaskesindegi basqa «Qazyǵurt», «Jibek joly», «B.Qonysbaev», «Atameken», «Syrdarıa» jáne «Selınnyı» ótkizý pýnktterine Qazaqstan Respýblıkasy men Ózbekstan Respýblıkasy arasyndaǵy saýda-ekonomıkalyq jáne ınvestısıalyq yntymaqtastyqty damytý jónindegi Jol kartasyna sáıkes qaıta bólý jóninde aqparattandyrý jumystaryn júrgizdi.