Tanymal aıtysker-aqyn Aınur Tursynbaeva nemeresiniń besik toıyn dúrkiretip ótkizdi, - dep habarlaıdy Almaty-akshamy.kz.
Qýanyshty sátterdi óner ıesi áleýmettik jelidegi paraqshasynda bólisti. Besik toı Almatydaǵy «Svetlana» meıramhanasynada ótti. Alaıda ónerpazdyń bala-shaǵasy Ystambulda qalǵan. Aınur Tursynbaevanyń kelininiń aıtýynsha, olar Álemniń (nemeresiniń esimi - esk.) týý týraly kýáligin kútip otyr.
Aınur Tursynbaevanyń aıtýynsha, kelgen qonaqtarǵa dress-kod jasyl túste bolatyny aıtylǵan. Tipti toıbastar da jasyl túste boldy, -dep jazdy Massaget.kz.
«Ár toıdyń dress-kody bolý qazir trendte. Biz de qalmadyq. Toıdyń túsi - kórip turǵandaryńyzdaı, jasyl!»,- dedi ol.
Toı shymyldyǵyn «Alataý serileri» etno toby ashty.
Budan basqa, Aınur Tursynbaevanyń qýanyshyn bólisip, toıǵa kelgen juldyzdar qatarynda Maqpal Júnisova, Tamara Asar, Jazıra Baıyrbekova, Roza Álqoja men Altynaı Jorabaeva bar.
Olar óner ıesiniń nemeresine án arnap, quttyqtady. Sondaı-aq, aqyn qudalary men dostarynyń vıdeosyn bólisti.
Aınur Tursynbaeva tuńǵysh nemeresine arnap 5 qabatty tortqa tapsyrys bergen.
Eske salaıyq, buǵan deıin Aınur Tursynbaeva nemeresin perzenthanadan shyǵaryp alý rásimin erekshe uıymdastyrǵany habarlanǵan edi.
Óner ıesiniń kelini Mádına enesiniń bárin oılastyryp qoıǵanyna alǵys bildirgen.
«Quttyqtap jatqandarǵa raqmet. Keshe úıge keldik. Úı ádemi gúl shoqtarymen tolyqty. Anam bezendirýdiń ár bóligin oılastyryp qoıǵan. Kámpıtke deıin», - dep jazdy aıtyskerdiń kelini.