Biz ózimizdiń adamı paryzymyzǵa adaldyq tanyttyq.
Almatydaǵy №7 Oqýshylar úıiniń dırektory Aınur Daýylbaeva kezekten tys ótken prezıdent saılaýyna baılanysty óz pikirin bildirdi, dep habarlaıdy Almaty-akshamy.kz.
«Syndarly sátte elimiz Qasym-Jomart Toqaevqa úlken qoldaý kórsetti. Ult bolyp uıysyp, memleketimizdiń tutastyǵyn senimdi azamatqa tabys etkenimizdi aıqyndap aldyq. Osynaý tarıhı saılaýdaǵy Qasym-Jomart Kemelulynyń jeńisi halyqtyń Memleket basshysynyń progresıvti reformalary tóńireginde birigýiniń aıqyn kórinisi boldy der edim. Biz ózimizdiń adamı paryzymyzǵa adaldyq tanyttyq. Osynaý sátte barshamyz aýyzbirshilikte bolyp, Qazaqstannyń búgini men bolashaǵyna alańdaǵan ár azamatqa úlken jaýapkershilik júgi artylyp turǵanyn túısigimizben túsingenimiz meni qýantady. Urpaq tárbıeleýshi ustaz retinde Ádiletti Qazaqstandy qurý jolyndaǵy eńbegimiz jemisti bolsyn! Elimizdiń kelesheginiń kemel de jarqyn bolýyna árqaısymyz atsalysaıyq degim keledi»,- dedi Aınur Daýylbaeva.