Fılosofıa, saıasattaný jáne dintaný ınstıtýtynyń bas dırektory Serik Seıdýmanov kezekten tys ótken saılaýǵa baılanysty óz pikirin bildirdi, dep habarlaıdy Almaty-akshamy.kz.
«Qazaqstanda jańa saıası kezeńder ornaýda. Kóptegen ózgerister oryn alýda. Dálirek aıtqanda, Memleket basshysyn tańdadyq. Munda jalpy halyq óz pozısıasyn bildirdi. Qoǵam bolǵannan keıin birshama pikirler bolady. Kópshiligi qoldasa, keıbiri basqasha oılaýy múmkin. Degenmen, halyqtyń áleýmettik, saıası belsendiligi artyp keledi. Ony osyndaı uıymdastyrylǵan iri saıası shaqtardan baıqap, baǵamdap otyramyz. Bizde jańarý men júıeniń aýysýyn kútip júrgender kóp. Sonymen qosa, taǵy bir mańyzdy dúnıege aıryqsha toqtalýdy jón sanaımyn. Naqtyraq aıtqanda, áleýmettiń áleýetin kóterý qajet. Saıası naýqanda ol kezeń-kezeńimen júzege asýda. Ol jaǵynan kóńil qýanady. Dese de, ekonomıkalyq sektorǵa nazar aýdaraıyq. Halyqtyń turmys sapasyn jaqsartaıyq. Sonda ǵana alǵa qoıǵan naqty maqsattarǵa qol jetedi»,- deıdi Serik Seıdýmanov.