Bul týraly Almaty ákimi Erbolat Dosaev Jetisý aýdanynyń turǵyndarymen kezdesýde aıtty, dep habarlaıdy Almaty-akshamy.kz.
2022 jyly aýdandy abattandyrý jumystary jalǵasty. "Aınabulaq-1, 3" shaǵynaýdandarynyń skverleri jáne Gúlder parki aǵymdaǵy jóndeýden ótti. Sýarý júıeleri jóndeldi, jańadan jaryq tartyldy. Skeıt-parkter uıymdastyrylǵan 2 jańa jastar alańy ashyldy. Zamanaýı strıtbol, basketbol, voleıbol jáne vorkaýt alańdary jabdyqtaldy.
Osy naýryz aıynda "Kemel" shaǵynaýdanynda jańa parktiń qurylysyn bastap, jyldyń sońyna deıin aıaqtaýdy kózdep otyrmyz.
Sondaı-aq III toqsanda "Kókmaısa" shaǵynaýdanyndaǵy Esentaı ózenin abattandyrýdy aıaqtaımyz. (10 ga, jańa merdiger aǵymdaǵy jyldyń naýryz aıynda anyqtalady (EjQOB).
«Halyq qatysatyn búdjet» jobasy aıasynda 2022 jyly aýdanda 23 joba iske asyryldy, onyń ishinde balalar men sport alańdary jóndelip, qoǵamdyq keńistikter ashyldy. 2023 jyly halyqtyń ótinimderi boıynsha 800 mln teńgege 17 jobany iske asyrý josparlanǵan.