Aýdannyń áleýmettik ınfraqurylymyn damytý jumysy qarqyndy jalǵasýda.
Bul týraly Almaty ákimi Erbolat Dosaevtyń Jetisý aýdany turǵyndarymen ótken kezdesýinde aıtyldy, dep habarlaıdy Almaty-akshamy.kz.
Máselen, búginde "Kemel" shaǵynaýdanynda aýysymyna 200 adam qabyldaıtyn otbasylyq-dárigerlik ambýlatorıanyń qurylysy aıaqtalyp keledi. Qazirgi ýaqytta jumystar 80% oryndaldy. Qurylys sáýir aıynda aıaqtalady dep josparlanýda.
Ótken jyly ákimdik jeke menshikten Núsipbekov jáne Omarov kóshelerindegi eki ǵımaratty satyp aldy. Keıin olarda aýysymyna 200 jáne 300 kelýshige arnalǵan emhanalar ashylatyn bolady.
«Sonymen qatar biz Rabochıı (jumysshy) kenti jaıly umytqan joqpyz. Búginde 40 myń turǵynnyń 34 myńǵa jýyǵy Almaly aýdanynyń emhanalaryna tirkelgen. Ákimdik Raıymbek dańǵylynyń boıyndaǵy aýdany 1,5 myń sharshy metrdi quraıtyn ǵımaratty anyqtady. Ony naýryz aıynyń sońyna deıin satyp alýǵa nıettimiz. Onda jóndeý jumystary júrgizilip, jabdyqtar satyp alynǵannan keıin, 240 adam qabyldaıtyn emhana ashylady», - dedi qala basshysy E.Dosaev.
Atalǵan emhanalardyń ashylýy Jetisý aýdanynyń turǵyndaryna jaqyn jerden qyzmet kórsetýge jáne jumys istep turǵan úsh emhananyń júktemesin azaıtýǵa múmkindik beredi.
Aýdan turǵyndarymen ótken kezdesýde mektepter jaıy da talqyǵa salyndy.
«2022 jyly 2 mektepte(300 oryndyq № 57, 575 oryndyq № 177) 875 oryndyq qosymsha ǵımarat paıdalanýǵa berildi jáne №148 mektepke
200 oryndyq qosymsha ǵımaratty salý jumystary bastaldy. Ony jańa oqý jyly bastalǵanǵa deıin aıaqtaımyz», - dedi Almaty ákimi.
Aýdan mektepterindegi oqýshy oryndarynyń jaǵdaıy salystyrmaly túrde jaqsy (búgingi kúni shamamen 3000 oryn tapshy). Biraq halyq sanynyń ósýi men aýdanda turǵyn úılerdiń qarqyndy salynyp jatqanyn eskerip, bıyl Boraldaı kóshesinde («Jaıly mektep» ulttyq jobasy) 1200 oryndyq jańa mektep pen burynnan bar mektepterge 450 oryndyq eki qosymsha ǵımarattyń qurylysyn bastaý josparlanyp otyr.