Áıelder vagony jolaýshylar tasymalyna suranys joǵary kezeńde bolmaıdy
Keıbir er adamdar Qazaqstan poıyzdarynda áıelder vagondarynyń paıda bolýyna baılanysty shaǵymdana bastaǵan. Bul týraly "Qazaqstan temir joly" jetkizdi, dep habarlaıdy Almaty-akshamy.kz.
Kompanıa áıelder vagondary ótken jyldyń kúzinde pılottyq rejımde engizilgenin jáne Qazaqstannyń 3 óńirinde 8 baǵyt boıynsha júzege asatynyn eske saldy.
«Ókinishke qaraı, ózderiniń quqyqtarynyń buzylyp jatqany týraly shaǵym jazǵan er adamdar tabyldy. Áıelder bul bastamany oń qabyldady, al er adamdar osyndaı bastamany qoldaýy kerek edi.
Óte uzaq baǵyttar bar, áıelder balasyn tamaqtandyrý úshin qolaısyz jaǵdaıǵa tap bolady», - dedi QTJ-nyń BAQ-pen jumys jónindegi departamentiniń dırektory Qaısar Jumabaıuly.
Ol áıelder vagondary jolaýshylar tasymalyna suranys joǵary kezeńde bolmaıtynyn jetkizdi.
Aıta keteıik, qazirgi ýaqytta áıelder vagondary Almaty - Mańǵystaý, Almaty-Óskemen, Almaty - Aqtóbe, Nur-Sultan - Shymkent jáne Nur-Sultan - Atyraý baǵyttary boıynsha júredi.