Olar 5 maýsymda ótetin jalpyhalyqtyq referendýmǵa qatysty tolyqqandy aqparat berdi
Saıası júıeni túbirimen ózgertip, memlekettik basqarý isine atsalysý úshin azamattarǵa keń múmkindikter berý – Prezıdenttiń bıylǵy Joldaýynda aıtylǵan bastamalardyń negizgi maqsaty. Jańa Qazaqstandy qurýda reformalardy jańartý mańyzdy degen Almaty qalalyq qoǵamdyq qoldaý shtab músheleri búgin «Kazlegprom-Almaty» tigin fabrıkasynyń qyzmetkerlerimen kezdesti, dep habarlaıdy Almaty-akshamy.kz Almaty.tv – ge silteme jasap.
Olar 5 maýsymda ótetin jalpyhalyqtyq referendýmǵa qatysty tolyqqandy aqparat berdi. Ata zańǵa ózgeris bul bolashaq úshin qajet degen pikirdi ustanǵan shtab músheleri ár azamat jalpyhalyqtyq daýys berýge belsendi qatysyp, óz tańdaýyn jasasa deıdi.
«Almaty qalalyq shtab ókilderi jeńilónerkásip fabrıkasyna kelip turmyz. Birden kóz qýantady. Qazaqtyń qanshama qyz-kelinshekteri jumyspen qamtylyp, 4 qabat ǵımarattyń ishinde nátıjeli jumys istep jatqandyǵy kórinedi. Halyqtyń kókeıin tesip júrgen ózekti máseleniń barlyǵynyń basy qaıyryldy. Sondyqtan da búgin mynaý jumysymyz nátıjeli boldy dep oılaımyn», – dedi referendýmdy qoǵamdyq qoldaý shtabynyń múshesi Kenjehan Matyjanov.