Almatyda qalanyń qoǵamdyq uıymdarynyń bastamasymen Almaty Clean & Green keń aýqymdy ekologıalyq aksıa ótýde. Osy rette Jeltoqsan saıabaǵyndaǵy senbilikke 100-den astam stýdent qatysty.
– Búgin senbilikke kolejimizden 100-den astam stýdent keldi. Sondaı-aq, 10 shaqty ustaz da senbilikke belsendi túrde qatysýda. İs-shara óte kóńildi uıymdastyrylyp jatyr. Jandy mýzyka, tegin sý. Qatysýshylarǵa yńǵaıly bolý úshin kúrek, tyrma syndy qural-jabdyqtar da úlestirildi. Stýdentterimiz óz qoldarymen aǵash otyrǵyzyp, máz-meıram bolýda. Árbir turǵyn óz aýlasyn taza ustap, aqtap, syrlap otyrsa, qalaǵa kelgen qonaqtardyń da qurmeti arta túser edi, – deıdi №1 Amaty qazaq memlekettik gýmanıtarlyq-pedagogtik kolejiniń Oqý-aǵarý ádistemelik jumystar jónindegi orynbasary Erden Saıynuly.