Ánshiler «Almaty Clean & Green» aksıasyna shaqyrady
Almatyda ekobelsendilerdiń bastamasymen ótip jatqan Almaty Clean & Green atty jalpyqalalyq senbilikte otandyq estrada ánshileri de tóbe kórsetti. Aksıa ákimdik tarapynan qoldaý tapty. Mıkrofondy bir sátke ketpen-kúrekke aıyrbastaǵan juldyzdar Baým toǵaıynan beıneúndeý joldady.
«Almaty – bizdiń súıikti qalamyz. Osynda óstik, osynda oqydyq. Búgin arý shaharymyzda senbilik ótip jatyr. Aǵash otyrǵyzyp, qalany ózimiz kórkeıtpesek, kim kórkeıtedi? Jasyl jelek ósirýmiz kerek jáne, eń bastysy, urpaǵymyz osyǵan úırensin. Tabıǵatty aıalaıyq!» - dedi bir top ánshi úndeýde.