Plasık ydystarmen sýsyn, sý jáne tamaq ishý biz mán bermeıtin qaýipke ákelýi múmkin
Environment International ǵylymı jýrnalynda jarıalanǵan zertteýge 22 anonım donor qatysqan. Olardyń jartysynyń qanynan sýsyndarǵa arnalǵan bótelkeler óndirisinde qoldanylatyn PET-plastık tabyldy, dep habarlaıdy Almaty-akshamy.kz
Úlgilerdiń úshten birinde polıstırol bar ekeni anyqtalǵan, budan taǵam qaptamalary daıyndalady.
«Plasık bólshekteri qan quramynda bolyp, búkil denege taraıdy», – deıdi zertteý avtorlarynyń biri, ekotoksıkolog Dık Vethaak.
Zertteýshilerdiń pikirinshe, qandaǵy mıkroplastıktiń densaýlyqqa zıany beseneden belgili: olar adam jasýshalaryna zıan keltirip, alergıalyq reaksıa týdyrady jáne jasýshalardy tolyǵymen óltiredi.
Vethaak sondaı-aq sábıler men balalardyń hımıkatpen ýlanýǵa kóbirek beıim bolatynyn aıtty. Zertteýlerge súıensek, plasık bótelkedegi sút qospasymen tamaqtandyrǵan sábıler kúnine mıkroplastıktiń mıllıondaǵan bólshegin jutady. Balalardyń ekskrementterinde eresekterdikine qaraǵanda mıkroplastık sany áldeqaıda kóbirek bolǵan.