Álemge áıgili ıspandyq opera ánshisi ári dırıjer Plasıdo Domıngo qazaqstandyq ánshi Dımash Qudaıbergenge dýet jazýdy usyndy.
Bul týraly vıdeo DearsDimash EurasianFanClub YouTube-arnasyna jarıalandy, dep habarlaıdy almaty-akshamy.kz
Seni maǵan nemerem kórsetti. Oǵan seniń óneriń unaıdy. Ol qazir nebári 18 jasta, ári barabanshy. Seni YouTube-ten kórgen. Bulaı án aıtýdyń qalaı bolǵanyna tań qaldy. Ol sende alty oktava bar ekenin aıtyp, tańdanysyn jasyrmady, - dedi Domıngo.
Al Dımash Qudaıbergen álemdik opera ánshisine onyń ánin 5 jasynan bastap tyńdap óskenin jetkizdi.
Sizben kezdesý – men úshin úlken mártebe. Úıde sizdiń konsertińizdiń kassetalyq jazbasy bar edi. Bes jasymnan bastap sony tyńdap, mýzykaǵa sizdiń arqańyzda keldim, - dedi ol.
Sondaı-aq Plasıdo Dımashqa birge dýet oryndaýdy usyndy.
Bizge birge dýet aıtý kerek. Men 20 jasymda naǵyz daýysymmen án aıta alatynmyn. Qazir tenorǵa tessıtýra jetpeı jatyr. Biraq sizdiń jasyńyzda qıyndyq týdyrmaıdy dep oılaımyn. Biz keremet án jazaıyq. Eger yńǵaıly bolsa, erteń daıyndyq jasaıyq, - dedi 82 jastaǵy maestro.