Asa iri kólemde esirtki saqtaýdyń 17 deregi anyqtalǵan.
Atyraý oblysynda zańsyz aınalymnan 60 keliden astam esirtki tárkilengen, dep habarlaıdy Almaty-akshamy.kz.
Oblystyq polısıa departamentiniń bastyǵy, polısıa polkovnıgi Nurhat Orazbaevtyń aıtýynsha, asa iri kólemde esirtki saqtaýdyń 17 deregi anyqtalǵan.
«Polısıa qyzmetkerleri asa iri kólemde esirtki saqtaýǵa qatysty 17 derekti anyqtady. Onyń ishinde sıntetıkalyq esirtki saqtaýǵa qatysty 9 derek bar. Al, marıhýanany zańsyz saqtaýdyń 3 deregi tirkeldi. Oblys aýmaǵynda esirtkiniń sıntetıkalyq túrlerin jasyryp-tyǵý ádisimen satyp júrgen adamdardyń basym bóligi – basqa óńirlerden kelgender.
Bıylǵy jyl basynan tirkelgen bul sanattaǵy qylmystardyń ishinde 8 derek Taraz, Qaraǵandy, Aqtóbe, Semeı Shyǵys Qazaqstan oblystarynan jáne Nıgerıa, Ózbekstan, Qyrǵyzstan Respýblıkalarynan kelgen tulǵalar tarapynan jasalyp otyr. Zańsyz aınalymnan jalpy salmaǵy 60 keliden astam esirtki tárkilendi», - dep málim etti Nurhat Orazbaev.