Almaty qalasy ákimdigi men «Qazaqstandy kógaldandyrý» qaýymdastyǵy Jetisý aýdanynyń «Kókjıek» yqshamaýdanynda «Almaty Clean & Green» atty qalalyq ekologıalyq aksıasyn uıymdastyrdy. Jergilikti ákimdik sharany uıymdastyrýshylarǵa qajetti jabdyqtardy usynyp (qolǵap, qap, kúrek, tyrma), aksıaǵa qatysýshylardy aýyz sýmen jáne tamaqpen qamtamasyz etti.
– Búgingi uıymdastyrylǵan is-shara qalamyz úshin úlken mereke dep aıtsaq ta bolady. Kóktem kelgende barlyǵymyz da belsendi jumystarǵa kirisemiz, úıimizdi jınap, aǵash otyrǵyzyp, kóshelerdi tazalaımyz. Bul senbilik aksıasy qalamyzdyń qystan keıin tazaryp, kórkeıýi úshin qajet. Qalamyzdyń turǵyndaryna aıtarym, eń aldymen tazalyqty ózimizden bastaýymyz kerek. Qoqystardy jınap, arnaıy jáshikterge salyp júrsek, munyń ózi súıikti qalamyzdyń taza bolýy úshin úlken kómek bolady, – dedi qalalyq jumyspen qamtý jáne áleýmettik baǵdarlamalar basqarmasynyń basshysy Nazıra Toǵyzbaeva.