Elordada Týrızm jáne sport mınıstri Ermek Marjyqpaevtyń qatysýymen dene shynyqtyrý jáne sport salasyndaǵy máseleler jáne el sportshylarynyń Parıjde ótetin XXXIII jazǵy Olımpıadaǵa daıyndyǵy men qatysýy boıynsha keńeıtilgen alqaly otyrys ótýde.
Basqosýǵa óńirlik dene shynyqtyrý jáne sport basqarmalarynyń basshylary, Ulttyq Olımpıada komıtetiniń, respýblıkalyq federasıa ókilderi, ulttyq qurama komandalardyń bas jattyqtyrýshylary, olımpıadalyq sport túrleri boıynsha Memlekettik jattyqtyrýshylary jáne vedimistik baǵynysty uıymdardyń basshylary qatysyp jatyr, dep habarlaıdy almaty-akshamy.kz.
Jıyn barysynda qatysýshylar kún tártibinde turǵan bes máseleni talqylaıdy.
Olar:1. Sport túrleri boıynsha ulttyq qurama komanda sportshylarynyń lısenzıalyq jarystarǵa jáne 2024 jyly Parıjde ótetin 33 jazǵy Olımpıadaǵa daıyndyq barysy
2. Qazaqstanda sporttyq medısınany damytýdyń ózekti máselelerin
3. Sporttaǵy dopıngke qarsy baǵdarlamasy
4. Sport rezervin jáne joǵary dárejeli sportshylardy daıarlaý júıesi
5. Salany damytýdyń negizgi mindetterin aıqyndaý
Jıyn barysynda mınıstr sportshylardyń kórsetken nátıjelerine kóńili tollmaıtynyn jetkizdi.
Eń keıingi Olımpıada men Azıa oıyndarynyń nátıjeleri kóńil kóńshitpeıdi. Jyldan jylǵa qarjylandyrý kólemi artyp jatqanymen, ókinishke qaraı, sporttyq kórsetkishter men tıimdilik tómendep jatyr. Osynyń barlyǵy sport salasyndaǵy qordalanyp, sheshimin tappaı kele jatqan problemalardyń bar ekenin kórsetedi. Osy oraıda, el Prezıdenti Qasym-Jomart Kemeluly Toqaev sport salasyna túbegeıli ózgerister qajet ekenine basa nazar aýdaryp, salanyń strategıalyq damýynyń basym baǵyttaryn belgilep berdi. Áriptester, aldymyzda úlken jaýapkershilik júktelip tur. Ol – tórtjyldyqtyń basty dodasy – Parıj Olımpıadsyna daıarlyq. Sonymen qatar kelesi jyly ózge de birqatar aýqymdy is-shara josparlanǵan, dedi Ermek Marjyqpaev.
Ermek Marjyqpaev elordadaǵy alqaly jıynda sporttyq medısına máselesine de erekshe toqtalyp ótti.
«Sporttyq medısınanyń qazirgi tańda ózekti jáne mańyzdy baǵyt ekenin moıyndaýymyz kerek. Qarqyndy damyp kele jatqan sport áleminde sportshylardy daıyndaýda eń ozyq tehnologıalyq ádister men quraldar, onyń ishinde olardy saýyqtyrý men qalpyna keltirýde qoldanylady. Ókinishke qaraı, bizdiń sporttyq medısına zamanaýı talaptarǵa saı emes. Keshe bul salanyń problemalary men damytý perspektıvalary talqylanǵan bolatyn», - dedi mınıstr.