Jeltoqsan aıynyń basynda magnıttik daýyl soǵady. Bul kezde aýa raıyna táýeldi adamdardyń basy aýyryp, uıqysyzdyq mazalap, sozylmaly dertteri órshýi múmkin.
Mamandardyń aıtýynsha, magnıttik daýyl jeltoqsan aıynyń basynda bolady, dep habarlaıdy Almaty-akshamy.kz Aif.ru-ǵa silteme jasap.
Daýyldy kúnder qashan keledi jáne oǵan qalaı daıyndalý kerek?
Mamandardyń aıtýynsha, aýyldyń shyńy 5 jeltoqsanda bolady, onyń deńgeıi toǵyzdan bes balǵa (9/5) jetýi múmkin. 6 jeltoqsan kúni sál tómendep, shamamen tórt bal bolady.
Kún eki aptaǵa jýyq tynyshtyq tapqanymen, 17 jeltoqsanda geomagnıttik aýytqýlar qaıtadan bastalyp, kúshi bes bal bolady.
Odan keıin 24-28 jeltoqsan aralyǵynda taǵy da magnıttik daýyl bolýy múmkin dep boljandy. Onyń áseri ádette aýa-raıyn elemeıtin adamdarǵa da seziledi. 30-31 jeltoqsanda taǵy da daýyl bolady. Biraq, bul jolǵy daýyldy tek aýa raıyna táýeldi adamdar ǵana sezinedi.
Aýa raıyna táýeldi adamdarǵa keńes
Eger adamnyń júrek-qantamyr júıesine baılanysty sozylmaly aýrýlary bolsa, onda magnıttik daýyl kezinde jumys pen demalys kestesin qatań saqtaýy kerek. Jumysty túnge qaldyrmaǵan jón jáne kóp uıyqtaýdyń da qajeti joq, sonymen qatar maıly, qýyrylǵan jáne tuzdy taǵamdardy jeýge bolmaıdy. Sý ishý rejımin jáne qan qysymyńyzdy tekserýdi umytpańyz. Mamandar magnıtti daýyl soqqan kúnderi fızıkalyq belsendilikti barynsha azaıtý kerek dep otyr. Sonymen qatar bastyń aýyrýy ábden múmkin ekendigin eskertti. Stress deńgeıin de múmkindiginshe azaıtqan jón. Sondaı-aq taǵamǵa kókónister men jemisterdi kóbirek qosýdy umytpańyz. Kólik júrgizý men ishimdik ishýden bas tartqan durys.