Respýblıka boıynsha soltústikte, soltústik-batysta, ońtústik-shyǵystyń taýly aýdandarynda jel kúsheıip, burshaq jaýady.
«Qazgıdromet» RMK-sy tamyzdyń 28-i kúngi aýa raıy boljamyn jarıalady, dep habarlaıdy Almaty-akshamy.kz.
Kásporyn taratqan málimetterge qaraǵanda, Qazaqstannyń basym bóliginde kún áli de jaýyn-shashynsyz, tek burynǵydaı soltústiginde, soltústik-batysynda, ońtústik-shyǵystyń taýly aýdandarynda jańbyr jaýady, naızaǵaı oınaıdy. Respýblıka boıynsha soltústikte, soltústik-batysta, ońtústik-shyǵystyń taýly aýdandarynda jel kúsheıip, burshaq jaýady. Kúndiz Jambyl oblysynyń taýly aýdandarynda, Almaty oblysynyń taýly jáne taý bókteri aýdandarynda naızaǵaı oınaıdy. Jambyl oblysynda burshaq jaýady, naızaǵaı kezinde jeldiń jyldamdyǵy sekýndyna 15-20 metrge jetedi. Aqmola oblysynda tańerteń jáne kúndiz soltústiginde, soltústik-shyǵysynda naızaǵaı oınap, burshaq jaýady. Naızaǵaı kezinde jeldiń jyldamdyǵy sekýndyna 15-20 metrge jetedi. Kúndiz Batys Qazaqstan oblysynyń ońtústik-batysynda jel 15-20 m/s jyldamdyqpen soǵady. Kúndiz Aqtóbe oblysynyń shyǵysynda naızaǵaı oınaıdy. Qostanaı oblysynyń soltústiginde, soltústik-shyǵysynda naızaǵaı oınap, burshaq jaýady, daýyl turady, túnde oblystyń soltústiginde jel kúsheıedi. Kúndiz basym bóliginde 15-23 m/s jel soǵady. Soltústik Qazaqstan oblysynyń soltústiginde, batysynda naızaǵaı oınaıdy, kúndiz burshaq jaýyp, daýyl turady, túnde jáne tańerteń ońtústiginde tuman túsedi. Kúndiz oblystyń soltústiginde, batysynda jel 15-20 m/s jyldamdyqpen soǵady. Pavlodar oblysynyń soltústiginde naızaǵaı oınap 15-20 m/s jyldamdyqpen soǵady. Kúndiz Almaty, Atyraý, Aqtóbe oblystarynyń basym bóliginde, Mańǵystaý oblysynyń ońtústiginde aptap ystyq bolady. Mańǵystaý, Atyraý, Batys Qazaqstan, Aqtóbe, Qyzylorda, Túrkistan, Jambyl, Almaty oblystarynda, Qostanaı, Shyǵys Qazaqstan oblystarynyń ońtústiginde, Qaraǵandy oblysynyń ońtústik-batysynda, soltústiginde, Aqmola oblysynyń ońtústiginde, soltústik-batysynda tótenshe órt qaýpi saqtalady.