Buryn tarıhı Otanyna oralǵysy keletinder 1 jyl júrip azamattyqqa qol jetkizse, qazir ońtaılandyrylyp, 3 aıǵa qysqarypty.
Almatyda jyl basynan beri kóshi-qon qyzmetiniń kómegine 2 myńǵa jýyq qandasymyz júginip, sonyń 460-y azamattyq alǵan. Mundaı nátıjege zańnama talaptarynyń jeńildeýi áser etti, deıdi mamandar, dep habarlaıdy Almaty-akshamy.kz Almaty.tv-ge silteme jasap.
Sebebi, buryn tarıhı Otanyna oralǵysy keletinder 1 jyl júrip azamattyqqa qol jetkizse, qazir ońtaılandyrylyp, 3 aıǵa qysqarypty.
«Qazaqstannyń azamattyǵyn alyp, qazir osy jerde turyp jatyrmyz. Biz ol kezde oralman qujatynyń ýaqyty bar ekenin bilmedik. Jumysymyzǵa qandaı kedergisi baryn da túsine almadyq. Artynan osyndaı jeńildikter shyqqannan keıin azamattyq aldyq», – dedi qandas Sáýlesh Saparhan.
Odan bólek, azamattyq alǵan etnıkalyq qazaqtar ózge elde qalǵan týystaryn qasyna alý úshin shaqyrtý da jibere alady.
«Kóbinese shetelden Qytaı elinen 30 paıyzdaı, Reseıden 50 paıyz, Qyrǵyzstan, Ózbekstannan 4 paıyzdaı etnıkalyq qazaqtar kóship kelip jatyr. Bul kisiler tikeleı bizdiń basqarmaǵa júgine alady, bolmasa HQKO baryp ótinish berse bolady», – dedi qalalyq áleýmettik ál-aýqat basqarmasynyń kóshi-qon júıeleri bóliminiń basshysy Myrzan Marınov.