Eldiń ońtústiginde naızaǵaı oınap, shańdy daýyl turady.
18 sáýirde Qazaqstannyń ońtústik, ortalyq jáne soltústik óńirlerine ońtústik sıklon jyrasy áser etedi, osyǵan baılanysty jańbyr kútiledi, dep habarlaıd Almaty-akshamy.kz Qazgıdrometke silteme jasap.
Eldiń ońtústiginde, onymen qosa naızaǵaı oınap, shańdy daýyl turady. Barlyq óńirde jel kúsheıip, batysta, soltústik-batysta tuman baıqalady.
Atap aıtqanda, kúndiz Túrkistan oblysynyń batysynda, ońtústiginde, taýly, taý bókterli aýdandarynda naızaǵaı, daýyl kútiledi. Tańerteń jáne kúndiz soltústikte, batysta shańdy daýyl turyp, soltústikte, batysta, taýly, taý bókterli aýdandarda jel 15-20 m/s kúsheıedi.
Qyzylorda oblysynyń ortalyǵynda jel 15-20 m/s artady. Tańerteń jáne kúndiz óńirdiń ońtústiginde, shyǵysynda naızaǵaı boljanady.
Kúndiz Jambyl oblysynyń taýlarynda naızaǵaı, soltústik-shyǵysta, taýly aýdandarda jel 15-20 m/s artady.
Shyǵys Qazaqstan oblysynyń ońtústiginde, ortalyǵynda, kúndiz Mańǵystaý oblysynyń soltústik-batysynda, Qaraǵandy oblysynyń ońtústiginde, Aqmola oblysynyń ońtústik-shyǵysynda jeldiń kúshi 15-23 m/s deıin jetedi.
Almaty oblysynyń Jalańashkól aýdanynda jel 15-20, ekpini 25 m/s deıin kúsheıedi.
Atyraý, Qostanaı oblystarynyń batysynda, túnde Aqtóbe oblysynyń soltústiginde, batysynda, ortalyǵynda tuman bolady.