Qazir onyń ómirine qaýip tónip turǵan joq.
Shymkentte 11-qabattan sekirmek bolǵan qyz qutqaryldy, dep habarlaıdy Almaty-akshamy.kz QR İİM baspasóz qyzmetine silteme jasap.
Shymkent turǵynyn qutqarý sáti polıseılerdiń beınejetonyna túsip qalǵan.
«24 qarashanyń keshki ýaqytynda Jedel basqarý ortalyǵynyń 102 arnasyna belgisiz azamatshanyń kóppáterli úıdiń 11-qabatyndaǵy ortaq balkonnan sekirýge oqtalyp turǵany týraly habarlama tústi. Shaqyrtý boıynsha tez arada patrúldik polısıa polkiniń avtoekıpajdary joldandy. Oqıǵa ornyna jetken tártip saqshylary balkonnyń qorshaýyna shyǵyp turǵan qyzdy kóredi. Azamatshanyń nazary bir sátke aýǵanyn paıdalanyp, ınspektor Nurjan Aıdarov ony qaýipsiz jerge shyǵaryp úlgerdi», - delingen habarlamada.
Qyzben profılaktıkalyq suhbat júrgizildi. Onyń bul qadamǵa jeke máselelerine baılanysty barǵany belgili boldy. Qazir onyń ómirine qaýip tónip turǵan joq.