Balýan Sholaq atyndaǵy sport saraıynda Almatyda 25-26 qarasha aralyǵynda ótetin estetıkalyq toptyq gımnastıkadan jasóspirimder arasyndaǵy álem chempıonaty men IFAGG Trophy 2023 ashyldy. Álemdik jyl saıynǵy birinshilik Almaty qalasy ákimdiginiń qoldaýymen Qazaqstan men Azıada alǵash ret ótýde, dep habarlaıdy almaty-akshamy.kz
Ashylý saltanatyna Almaty qalasynyń ákimi Erbolat Dosaev, Halyqaralyq estetıkalyq toptyq gımnastıka federasıasynyń prezıdenti Lılıa Morozova jáne Qazaqstannyń estetıkalyq toptyq gımnastıka federasıasynyń prezıdenti Mádına Bekturǵanova qatysty.
Jarysqa álemniń 16 elinen 52 komanda qatysady, olar Avstrıa, Bolgarıa, Gresıa, Italıa, Ispanıa, Serbıa, Fransıa, Izraıl, Egıpet, Japonıa, Malaızıa, AQSH, Qyrǵyzstan, Qazaqstan, Reseı, Belarýs. Eresekter men jasóspirimder jáne aralas komandalar arasynda 8 medal jıyntyǵy sarapqa salynady.
Álem chempıonatynda Qazaqstannyń namysyn myna komandalar qorǵaıdy - Sunrise (Almaty), Freedom (Almaty), Carmelites (Shymkent) jáne Aphrodite (Astana), sonymen qatar, jasóspirimder arasyndaǵy álem chempıonatynda Kerbez Elite (Almaty), Samruk (Astana), Alan-Junior (Astana) jáne Grace (Almaty) jáne IFAGG Trophy 2023 qysqa, uzaq baǵdarlamada jáne aralas komandalar arasynda – senorlar (aralas komandalar) Olimp Mix uzaq baǵdarlamasy (Almaty), senorlar (áıelder) qysqa baǵdarlama - Kerbez Rrima (Almaty), Space (Astana), Effect (Almaty) jáne Favorite (SHQO), jasóspirimder (aralas komandalar) Vial Mix (Almaty) uzaq baǵdarlamasy, jasóspirimder (áıelder) qysqa baǵdarlama - Alan-Fortuna (Astana), Alan-Legenda (Astana), Umai (Almaty), Junior - Liberty (Shymkent), senorlar (aralas komandalar) qysqa baǵdarlama – Vintage (Almaty).
Jarystyń sońǵy kúni – 26 qarashada Halyqaralyq estetıkalyq toptyq gımnastıka federasıasynyń (IFAGG) 20 jyldyǵyna arnalǵan gala-konsert ótedi.
Álem chempıonaty aıasynda 23-24 qarashada tórt qurlyq chempıonatynyń jáne gımnastıkadan «Almaty Cup» halyqaralyq týrnıri ótip, oǵan balalar da qatysty.
Álem chempıonatyn Almaty qalasy ákimdiginiń qoldaýymen Qazaqstan Respýblıkasy Týrızm jáne sport mınıstrligi, Halyqaralyq estetıkalyq toptyq gımnastıka federasıasy (IFAGG), Qazaqstannyń estetıkalyq toptyq gımnastıka federasıasy uıymdastyrdy.
