Salaýatty ómir saltyn damytýǵa baǵyttalǵan shara
Zamanaýı tehnologıalar qashyqtyq pen júgirý jyldamdyǵyn baqylap qana qoımaı, elimizdiń kez kelgen turǵynyna buqaralyq jarysqa qatysýǵa jaǵdaı jasap otyr, dep habarlaıdy Almaty-akshamy.kz
Onlaın úrdistiń tıimdiligin Medet Saǵyndyqov ta quptaıdy. Respýblıkalyq marafonǵa ınternet qosymshasy arqyly tirkelip, sporttaǵy jetistigin baıqap kórmekshi.
«Aýyryp qalǵannan keıin densaýlyǵymdy durystaımyn dep aptasyna 1-2 ret júgirýge shyqqan bolatynmyn. Sol ádetke aınalyp ketti. Sodan júıeli túrde júgirip, qazir densaýlyǵym jaqsy», - deıdi sportshy
Marafon bastalǵaly Medet Saǵyndyqov 65 shaqyrymdy baǵyndyrdy. Tıisti mejege qazannyń sońyna deıin jetýdi kózdeıdi. Respýblıkalyq chellendj qorytyndysy shyqqansha taǵy 100 kılometrdi eńserý oıda bar. Osy ýaqyt aralyǵynda áýesqoı sportshyny qoldap, buqaralyq júgirýge qosylǵan jandar da tabyldy.
Áýesqoı sportshylardyń aıtýynsha, júgirý – sporttyń eń tıimdi túri. Sebebi ol úshin tek yńǵaıly aıaq kıim men nıetten ózge esh nárse qajet emes.
Atalǵan baıqaýǵa kez kelgen qazaqstandyqtyń qatysýyna bolady. Ol úshin jobaǵa tirkelip, mobıldi qosymshany kóshirip alý kerek. 1 qazan men 30 qarasha aralyǵynda 100 shaqyrymdy baǵyndyrǵandar aqtyq synǵa joldama alady. Júlde qory – 1 500 000 teńge.