Bıyl Nına Krylova júzge tolǵan mereıtoıyn atap ótti. Almaty turǵyny qaı jasta da óziniń azamattyq ustanymyn kórsetýge eshqashan kesh emes ekenine senimdi. Óıtkeni onyń balalary, nemereleri men shóbereler qandaı memlekette turatyny búgin sheshilip jatyr.
Nına Krylova óziniń qartaıǵan shaǵynda da belsendi bola otyryp, úıde daýys berýdi uıymdastyrýdy ótindi. Kóshpeli saılaý komısıasy ardagerdiń ótinishin qanaǵattandyrdy.
«Men eldiń gúldengen bolashaǵy úshin daýys beremin», – dedi zeınetker.
Nına Afanasevna óz dáýirinde kóp nárseni kórýge májbúr boldy. Ol Ortalyq maıdanda soǵysyp, Máskeýdi qorǵaýǵa qatysty. Uly Otan soǵysy aıaqtalǵannan keıin turmysqa shyǵyp, ul men qyz týdy. №8 balabaqshada pedagog-tárbıeshi bolyp jumys istedi. Ardager apamyzdyń jaýyngerlik nagradalardan basqa, eńbek qyzmeti úshin gramotalary da bar.