Almaty qalasynyń ortalyq komýnıkasıalar qyzmetinde saǵat 20:30-21:15-te aralyǵynda «Daýys berýdi aıaqtaý týraly» OFLAIN-brıfıng boldy.
Buǵan Almaty qalasy boıynsha Baqylaýshylar kapıtany, «Qoǵamdyq joba» QB dırektory Bratenkov Aleksandr Ivanovıch, Almaty qalasy «Azamattyq bastama ortalyǵy» QB úkimettik emes uıymy shtabynyń jetekshisi Qudysheva Botagóz Qınaıatqyzy, ekonomıs, qoǵam qaıratkeri Beknur Qısyqov qatysty.
Jıynda megapolıstegi saılaý ýchaskeleriniń daýys berý jaǵdaıy, alǵashqy nátıjeler, qalalyqtardyń belsendiligi t.b. qorytyndy tujyrymdar málim etildi.
– Biz kóp kútken referendým da aıaqtalyp keledi. Kezinde Mahatma Gandı aıtypty «Ózgeristi qalasańyz, ózińizden bastańyz» depti. Sondyqtan da aıtarymyz «Jańa Qazaqstandy» quramyz desek, árbirimiz atsalysýymyz kerek. Qoǵamdyq mekemeler bári de bul sharany barynsha baqylap óz baǵasyn berdi dep oılaımyz, – dedi B.Qınaıatqyzy.
Brıfıńte qalamyzdaǵy saılaýdyń ahýaly tóńireginde Almaty qalasy boıynsha Baqylaýshylar kapıtany, «Qoǵamdyq joba» QB dırektory Bratenkov Aleksandr Ivanovıch aıtyp berdi.
– Almaty qalasyndaǵy referendým ýchaskelerindegi jumys qyzý ótti dep sanaımyz. Barlyq respýblıka aýmaǵynda 50 %-dan asqany aıqyn. Bul jolǵy referendým ózgesinen ózgerek boldy. Halyq pozıtıv kórsetti. Árbir ózgeristi qalaǵan azamattar óz daýsyn berdi. Meniń oıymsha bul úlken mereke dep sanaımyn, – dedi A.Bratenkov.
Sondaı-aq, Aleksandr Ivanovıch elektorat, jastardyń osyndaı mańyzdy sharaǵa qatysýy, zań buzýshylyqtar t.b. kóptegen taqyryptardy túrtip ótti.
– Bizdiń oıymyzsha, elektorattyń, onyń syrtynda jastardyń belsendilik tanytyp, óz tańdaýyn jasaıtyn orny ol – referendým. Óıtkeni referendýmnyń bolashaqqa berer paıdasy zor. Sol sebeptide, ártúrli pıǵyldaǵy jandardyń arandatýyna nazar aýdarmaǵan abzal. Ondaı sátter osyndaı alqaly jıyndarda oryn alyp jatady. Ol jaǵy jasyryn emes. Sondaı-aq, Almatyǵa kelip daýys bergisi kelgender boldy. Biraq tirkeýi bolmaǵan jaǵdaıda, olarǵa óz turǵylyqty jeri boıynsha keńester aıtyldy. Bul bizdiń ortaq qundylyǵymyz ekendigin uǵynǵan jón, – dep qosty ol.
Megapolıstegi saılaý ýchaskelerindegi belsendilik, halyqtyń kelýi, basqa óńirlermen salystyrmaly jaǵy týraly oı-pikirler keltirildi.
– Bir fenomen aıtaıyn. Bárimiz sandyq tehnologıaǵa kóship baramyz. Múmkin bolashaqta elektorndy daýys berýge kóshýimiz múmkin. Jalpy Vashıngton, Nú-Iork, Stambýl syndy alyp shaharlarda belsendilik tómendeý. Nelikten olaı ekendigin, eshkim bilmeıdi. Ondaı jaǵdaılarǵa qaraǵanda qalamyzda belsendilik joǵary boldy dep aıta alamyz, – dedi B.Qısyqov.