2025 jyldyń maýsymy demalystardan bastalady. 1 maýsym – jeksenbi, al 6 maýsym – Qurban aıt merekesine oraı resmı demalys kúni. Jazdyń alǵashqy aıynda elde birneshe mańyzdy jańalyq pen ózgerister bolady. Aqshamnews.kz tilshisi qazaqstandyqtardy maýsym aıynan bastap qandaı ózgeris kútip turǵanyn tizdi.
Jańa halyqaralyq áýekompanıasy jumysyn bastaıdy
1 maýsymnan bastap BAÁ-niń Air Arabia Abu Dhabi áýe kompanıasy Qazaqstanǵa alǵashqy reısterin bastaıdy. Abý-Dabıden Almatyǵa deıingi tikeleı reıster aptasyna úsh ret: seısenbi, juma jáne jeksenbi kúnderi qatynaıtyn bolady. Alǵashqy ushaq 3 maýsymda ushady dep josparlanyp otyr.
Qosymsha poıyzdar iske qosylady
Maýsym men qyrkúıek aralyǵynda jazǵy jolaýshylar legine oraı 11 qosymsha temirjol baǵyty iske qosylady:
-
Almaty–Jalańashkól baǵytynda úsh «Talgo» poıyzy,
-
Astana–Dostyq – aptasyna 2 ret,
-
Almaty–Dostyq – eki kúnde bir ret,
-
Semeı–Dostyq jáne Óskemen–Dostyq baǵyttary – ár eki kún saıyn,
-
Astana–Almaty jáne Astana–Shymkent poıyzdary – kúndelikti qatynaıdy.
Bul ózgerister qosymsha 270 myń jolaýshyny tasymaldaýǵa múmkindik beredi.
sýret: depositphotos.com
Smartfondardy tirkeý merzimi uzartyldy
25 maýsymǵa deıin jeke tulǵalar shetelden ákelgen smartfondaryn tegin tirkeı alady. Bul shara – jóndeýden ótken nemese urlanǵan smartfondardyń elge zańsyz ákelinýine jol bermeý úshin qolǵa alyndy.
-
Bir adam 2 qurylǵyny ǵana tirkeı alady.
-
Tirkeý eGov Mobile qosymshasy arqyly júrgiziledi.
Al ımporttaýshylar úshin tekserý 25 mamyrdan bastap aqyly jáne resmı qujattardy usyný mindetteledi.
sýret: depositphotos.com
Almatyda elektr energıasy qymbattaýy múmkin
1 maýsymnan bastap Almaty qalasynda elektr energıasynyń tarıfteri qaıta kóterilýi múmkin. Qazirgi joba bekitilse:
-
Halyq úshin tarıf – 27,59 teńgeden 29,52 teńgege deıin kóteriledi.
-
Zańdy tulǵalar – 38,66 teńge, al búdjettik mekemeler 111,72 teńge tóleıtin bolady.
Tarıfterdi kóterý týraly sheshim ázirge bekitilmegen, tabıǵı monopolıalardy retteý departamenti qaraýynda.
sýret: depositphotos.com
Mektep bitirýshiler emtıhan tapsyrady
9 jáne 11 synyp oqýshylary memlekettik qorytyndy attestasıa tapsyrady:
-
9-synyp oqýshylary: 4 pánnen (matematıka, tańdaý páni jáne qazaq/orys tili).
-
11-synyp: 5 pán (algebra, Qazaqstan tarıhy, tańdaý páni jáne qazaq/orys tili).
Emtıhan kúnderi:
-
Sońǵy emtıhan: 9-synyptar úshin – 10 maýsym,
-
11-synyptar úshin – 16 maýsym.
-
Túlekterge atestat tabystaý: 18-20 maýsym aralyǵy.
sýret: depositphotos.com