Shanhaıda 2025 jyly 27-29 mamyr aralyǵynda ótip jatqan ITB China 2025 halyqaralyq týrısik kórmesine Almaty qalasy qatysty. İs-shara QHR eń iri kirmelik týrızm platformalarynyń biri, jyl saıyn 800-den astam qatysýshy men 10 000-nan astam sala mamanynyń basyn qosady.
Almatynyń kórme stendinde qalanyń tabıǵı sulýlyǵy men mádenı nysandary tanystyryldy. Kórmeniń birinshi kúni qonaqtardy ulttyq kıim kıgen qazaq batyrlary qarsy alyp, halyq aspaptar ansambli «Adaı» kúıi men «Kózimniń qarasy» áni jáne t.b. shyǵarma oryndady. Kelýshilerge ulttyq taǵamdar usynylyp, dástúrli qazaq kıimderin kıip kórýge múmkindik berildi.
Kórmede qalany 7 otandyq týroperator tanystyrdy. Qazaqstandyq jáne sheteldik týroperatorlar arasynda 100-den astam B2B kezdesý ótkizilip, 30-dan astam týrısi qabyldaý týraly kelisimsharttar men Almatyny onlaın keńistikte ilgeriletýge baǵyttalǵan sıfrlyq platformaly memorandýmdarǵa qol qoıyldy. Bul kelisimder iskerlik baılanysty nyǵaıtýǵa jáne Almatyǵa týrıser legin arttyrýǵa baǵyttalǵan halyqaralyq seriktestikti damytýǵa septigin tıgizedi.
«Biz Shanhaımen áriptestik qarym-qatynasty joǵary baǵalaımyz. Bul Almaty sekildi óz óńirinde ekonomıkalyq jáne mádenı baılanysty qalyptastyratyn mańyzdy qala. 2025 jyly bizdiń qalalar baýyrlas qala bolý týraly kelisimge qol qoımaq. Bul uzaq jylǵa jalǵasqan yntymaqtastyqtyń zańdy jalǵasy. Qarym-qatynasty damytýdyń kelesi qadamy – Almaty men Shanhaı arasynda tikeleı áýe reısiniń ashylýy bolmaq. 2025 jyly 4 shildeden bastap China Eastern Airlines kompanıasy turaqty reısterdi ashady. Jalpy, Qazaqstandaǵy Qytaı týrızm jyly bolyp jarıalanǵan 2025 jyl birlesken jobalardy júzege asyrý, týrısik baǵyttardy ilgeriletý jáne óńiraralyq baılanysty nyǵaıtý úshin qosymsha múmkindik beredi», – dedi Almaty qalasy Týrızm basqarmasy basshysynyń orynbasary Ǵazız Tólebek.
Kórme qonaqtary da Almatynyń týrısik áleýeti týraly oıyn aıtty.
«Almaty barǵym keletin qalanyń biri. Shahar týraly kóptegen jaqsy pikir estidim, bul qala iskerlik, demalys jáne ekotýrızmdi ushtastyrýǵa taptyrmas oryn sıaqty kórinedi», – dedi kórme qonaǵy Djon Veı.
Munyń qajetti baǵyt ekenin Qytaı týrıseriniń Almatyǵa degen qyzyǵýshylyǵynyń turaqty ósýi de dáleldeıdi. 2024 jyly Almatyǵa 99 myńnan astam QHR azamattary kelip, bul kórsetkish aldyńǵy jylmen salystyrǵanda 50%-ǵa artqan.